Jong rolbalspeler behaal vele ‘eerstes’

2018-08-09 06:00
<Edwin Nance (21)is OP rolbal se jongste speler én die 2018 amateur-kampioen (novice). Dit is die eerste keer sedert die kampioenskap in 1932 begin het dat ’n speler van Despatch dit wen. Hy was ook die eerste Despatcher wat in ’n OP Meesters-rolbalspan ingesluit is.      Foto:HEILIE COMBRINCK

Multimedia   ·   User Galleries   ·   News in Pictures Send us your pictures  ·  Send us your stories

’n JONG rolbalspeler van Despatch het dié sport op sy kop kom keer en ’n paar eerstes vir die dorp en sy rolbalklub aangeteken.

Edwin Nance (21) is OP rolbal se jongste speler én die 2018 amateur-kampioen (novice). Dit is die eerste keer sedert die kampioenskap in 1932 begin het dat ’n speler van Despatch dit wen.

Hy het in 2015 as 18-jarige by Despatch Rolbalklub aangesluit. Voor dit het hy sy pa, Warren Nance, ook ’n lid van dié klub, ge-reeld vergesel na rolbalwedstryde, maar nooit gedink hy sal ooit self speel nie.

“Om eerlik te wees, ek het altyd gedink rolbal is vreeslik vervelig. Regtig, wat kan nou so erg aan dié balrollery wees? Maar ek was verkeerd. Rolbal is nie so eenvoudig as wat dit lyk nie en alles behalwe vervelig. Dit is ’n ongelooflike kompeterende sport en tegnies moeilik,” sê Edwin.

Kort nadat hy aangesluit het, was hy die wenner van die junior klubkampioenskappe en toe deel van die span wat die Jeffreysbaai Sesse (2016) gewen het. Daarna het sy seges die een na die ander ingerol en hy behou sedert 2015 sy titel as junior klubkampioen.

Verlede jaar was hy gekies vir die OP o.30 B-span wat in Bloemfontein aan ’n nasionale kampioenskap deelgeneem het. Vanjaar is hy ingesluit in die OP o.30 A-span.

Eerste Despatcher ooit na OP Meesters

Verlede Saterdag het Edwin aan die Meesters-kampioenskappe deelgeneem. Om uitgenooi te word as een van die top 12 spelers vir die Meesters is die hoogste prestasie in OP-rolbal.

Edwin het weereens geskiedenis gemaak deur die eerste Despatch rolbalspeler te word wat uitgenooi is om aan die Meesters deel te neem. Hy het briljant gevaar en ’n brons-medalje gewen wat beteken hy is onder die top 3 beste rolbalspelers in die Oostelike Provinsie.

President van die Despatch Rolbalklub, ds. Chris van der Westhuizen sê, “Edwin se entoesiasme en prestasies spoor ons ouer spelers opnuut aan om met geesdrif te speel. Ons oefen nou soos nog nooit tevore nie.

“As klub is ons dankbaar vir die groep jonges wat by ons aangesluit het. Dit is ’n inspirasie en beteken baie vir Despatch se rolbal.”

Edwin sê die kuns om ’n goeie rolbalspeler te wees is “om verloor te kan vat en om goeie sportmanskap te wys, of jy wen of verloor.

“Jy moet jou rolbalballe kén, die lyne en gewig in jou hand moet soos tweede natuur vir jou wees.”

Edwin en sy pa het tydens die laaste Statebondspele omtrent die huis se dak gelig soos hulle voor die televisie die Suid-Afrikaanse spanne aangemoedig het.

“Ons het geskreeu soos mense vir rugby skreeu, want ons weet hoe intensief die rolbalspel is.”

En ja, Edwin sê hy hardloop ook agter sy rolbalbal aan ... maar net as hy voel dit gaan ’n goeie skoot wees. So, hy hardloop nogal baie agter sy bal aan!

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.