Kinders op ’n galop nasorg toe

2018-05-10 06:00
Irma Grigor, Boomstraat Plaaswerf nasorg, DespatchFoto:

Irma Grigor, Boomstraat Plaaswerf nasorg, DespatchFoto:

Multimedia   ·   User Galleries   ·   News in Pictures Send us your pictures  ·  Send us your stories

Die dag toe Irma Grigor vir die hoeveelste keer soos ’n pakdonkie by haar Plaaswerf-nasorg instap, was die dag wat daar besluit is ... aikona ... nou is dit tyd om regte perde in te span vir die pakkasie!

Sy het die nasorg as-ook ’n dagsorg op ’n kleinhoewe op Despatch begin waar leerders van die nabygeleë Laerskool Sonop na skool inklok vir verder leer.

“Op Vrydae het ons die kinders toegelaat om op die Walliese ponies te ry. Dit was groot pret. Toe besluit ons, vir so bietjie bederf gaan ons die kinders nou en dan by die skool haal met die perdekarretjie,” sê Irma.

By dié nasorg is dit pure plaas. Wanneer huiswerk klaar is kan die kinders hulself op die speelwerf gaan geniet en selfs met die miniatuur varkies en hasies speel.

“O vader! Die kinders stink party dae pure varkie. Ek glo ’n kind moet leer, maar speel is net so belangrike deel van leer. En hier speel hulle hulself pootuit!”

“’n Kind moet kan vat aan ’n dier, ons leer hulle om mooi te vat want dit is ’n liefde om oor te dra en ook goeie terapie,” sê Irma.

Die kleinhoewe en Walliese ponies behoort aan Gerhard Lotz, na wie daar spottenderwys verwys word as die Plaaswerf se “skoolhoof”. Sy oorlede pa, Abel Hermanus Lotz, was vroeër jare bekend op skoue vir sy pragtige Walliese ponies.

Dié bloedlyn loop nog sterk en wanneer dit tyd is om met die perdekarretjie die kinders te gaan haal is dit Wayne (28) en sy hings-seun Rapier (24) wat ingespan word. Dan is daar ook nog twee merries, Pienkie en Robyn, wat kans kry om die karretjie te trek. Hy sê ’n Walliese ponie is oor die algemeen ’n rustige perd en ideaal vir kinders.

Gerhard is bekend vir dié Walliese ponies wat ingespan word om vir troues en selfs matriekafskeide ’n spoggerige koets te trek.

Die gehaal van kinders by die skool met die perdekarretjie is nie elke dag se storie nie, want soos Irma sê, “dit is ’n bederf, ek wil nie dat hulle dit as vanselfsprekend aanvaar nie.”

Wanneer dit tyd is om die ponies in te span, moet hulle vier ritte na die skool en terug maak om al die kinders by die nasorg te kry. Op hierdie stadium maak Gerhard haar nog touwys oor hoe om die perdekarretjie te stuur.

“Sy is nog ’n learner. Ek sal haar lisensie vir haar gee as ek sien sy weet hoe om die ponies mooi te stuur,” sê Gerhard.

Hy is in die proses om ’n karretjie te omskep wat deur een ponie getrek kan word.

“Dan sal dit vir Irma makliker wees om die karretjie te hanteer. Dit is nogal ’n slag wat ’n mens moet hê om die twee ponies te stuur,” sê Gerhard.

Irma sê die beloning van die ponieritte lê in die kinders se gesiggies.

“Ek sê nie wanneer ek hulle met die perdekarretjie gaan haal nie. As hulle ons sien is dit glimlaggies van oor tot oor. Dis vir my vreeslik lekker en dan is ek ook sommer vol smiles en dan is my hart happy.

“As die ponies rus, stap ons, dit is goeie oefening en vir van die kinders die enigste oefening op ’n dag,” sê Irma.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.