‘Lelike eendjie’ word SA top vliegduif

2019-01-31 06:21
Marcelle Els met die beste vliegduif in Suid-Afrika.Foto: HEILIE COMBRINCK

Marcelle Els met die beste vliegduif in Suid-Afrika.Foto: HEILIE COMBRINCK

Multimedia   ·   User Galleries   ·   News in Pictures Send us your pictures  ·  Send us your stories

HEILIE COMBRINCK

‘n VLIEGDUIF van Despatch, wat niemand op ’n jongduifveiling wou koop nie, is nou aangewys as die Suid-Afrikaanse Nasionale Posduiforganisasie se algehele beste duif oor alle afstande.

Dié spogduif van Marcelle Els het nie ’n naam nie, net ’n nommer - DP1046/2018 - en Els ken dié duif onmiddellik uit tussen al sy ander duiwe, want hy het ’n oog vir ’n goeie duif.

Volgens Hennie le Roux, ’n bekende in posduifkringe, geskied die posduiforganisasie se beoordeling volgens internasionale standaarde.

“Dit word bereken volgens ‘n koeffisiënt stelsel. Dit geskied volgens die posisie in ’n wedvlug gedeel deur die aantal duiwe in die wedvlug, bereken oor ses wedvlugte,” sê Le Roux.

Els se topduif DP1046 het in die UD Federasie 3 wedvlugte gewen. Op streekvlak, dit is OP Duiwe Unie het dié duif ‘n rekord aantal punte van 662 aangeteken.

“Dit is prestasies wat die meeste duiwe-boere van droom. Die Despatch Posduifklub is baie trots om sulke voortreflike duiwe in hul midde te hê. Welgedaan Marcelle en Zelda,” sê Le Roux.

Els het op 6-jarige ouderdom met duiwe-sport begin en is deesdae voorsitter van Despatch Posduifklub, een van die toonaangewende duiweklubs in die Oos-Kaap sowel as in Suid-Afrika.

Hy is ook die koördineerder van die Nasionale Hok op Despatch.

“Jy moet toegewyd wees tot die sport vir 365 dae van die jaar. Goeie gene, die wil om te wen en ’n passie vir die sport is wat my in die duiwehokke hou,” sê Els.

Volgens hom is daar gesonde kompetisie binne die klub, want dit is ’n klub met goeie duiwe en klomp kampioene.

“Ons vlieg vir ’n handdruk en ’n liefde vir die sport, want geld is daar definitief nie as wenprys,” sê Els.

Niemand wou top duif hê

Interessant is die feit dat duif DP1046 verlede jaar op ‘n jongduifveiling te koop aangebied was. Die hoogste bod was slegs R310.

“Marcelle het die duif teruggekoop. ‘n Mens wonder wat die prys nou gaan wees na die uitstekende prestasies van DP1046,” sê Le Roux.

Els oorweeg dit nog of hy DP1046 aan vanjaar se duiwewedvlugte gaan laat vlieg en of hy hom eerder na die teelhok gaan oorplaas, waar hy sy wengene aan sy nageslag kan oordra en moontlik nog wenners teel.

Dit is Els se 4de prestasie op nasionale vlak. In 2010 was hy 2de beste algeheel in SA, 2015 was hy 3de algeheel sowel beste in SA in middelafstande en sy 2018 prestasie as beste algeheel in die land.

“Duiwelonge” hou Els nie terug

Els is in 2015 gediagnoseer met wat in duiwekringe genoem word “duiwelonge”. Dit is ’n ernstige longsiekte wat veroorsaak word deur die fyn stof wat duiwe afgee. Dokters het aanbeveel dat hy die duiwesport vaarwel moet roep.

“Dít kan ek nie doen nie. My duiwe moet bly vlieg, dit is my lewe!” sê Els

NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.