Ná 30 jaar wil Salome steeds ’n verskil maak

2018-08-02 06:01
=Salome Pieterse is vir die afgelope 30 jaar ’n fisioterapeut op Uitenhage. Foto:HEILIE COMBRINCK

=Salome Pieterse is vir die afgelope 30 jaar ’n fisioterapeut op Uitenhage. Foto:HEILIE COMBRINCK

Multimedia   ·   User Galleries   ·   News in Pictures Send us your pictures  ·  Send us your stories

“Dankie aan Uitenhage se mense vir julle lojaliteit en dat julle so awesome is. Oor die afgelope 30 jaar het julle my toegelaat om as mens my potensiaal ten volle uit te leef.”

Dit is die woorde van Salome Pieterse wat as jong fisioterapeut haar eerste vyf jaar in die Baai gewerk het voordat sy in Maart 1988 haar tuispraktyk op Uitenhage oopgemaak het. Nou is dit 3 dekades later en Salome kyk terug na geseënde jare waar sy generasie na generasie behandel het en steeds “hartstogtelik lief is vir wat ek doen en vir my mense”.

Rofweg gereken, sê Salome, het sy tussen 35 000 en 40 000 mense oor dié tydperk behandel.

“O genade, in die beginjare toe ek van my huis af gewerk het wou ek gek raak, want dit het vir my gevoel ek het nie ‘n lewe van my eie nie. Toe besluit ek nou is dit tyd om ’n plek in die dorp te kry,” sê Salome.

“Dit was goue jare met uitstekende mediese fondse soos MC, MMP en MCG. Ons het gewerk dat die biesies bewe en op ‘n stadium was ons vyf fisioterapeute in my praktyk. Daar was Barbara, Adel, Kim en Delia en kort daarna het Sanet (Terblanche) wat toe ‘n boetiek gehad het, ook by ons aangesluit. Sy het in 1993 my vennoot geword.”

Salome was die eerste fisioterapeut op Uitenhage wie se praktyk van dou voor dag tot laat oop was.

“Ek love kinders en veral koshuiskinders want ek was self ‘n koshuisbrak. Laat ek jou sê - as jy vir iemand se kind goed is - dan het jy sy hart.”

Sy is ook ‘n groot ondersteuner van skole-sport, veral rugby.

“Soms het die kinders soos voëls op ‘n ry hier gesit. Ons het baie pret gehad. Partykeer het ‘n kind sommer ingespring en ultraklank vir ‘n ander een gegee. Dit was wonderlike jare!”

“Soveel van die seuns wat ek tóé behandel het, is nou al pa’s en bring nou húlle seuns hierheen vir behandeling.”

Oor die jare het Salome se pad met uiteenlopende mense gekruis.

“Elke mens het sy eie manier doen. Dit is wat jou onderskei van ander en wat jou uniek maak. Daarom moet ‘n mens elke dag jou beste gee en ‘n verskil in die lewe maak.”

Sy vertel van ‘n oom Rheeder wat op ‘n dag “verkeerdelik” by haar praktyk opgedaag het, maar ‘n blywende indruk gelaat het.

“Hy’t gesê daar is drie dinge wat ek moet doen: elke dag my praktyk in die naam van die Here begin, én dit doen ons daar by die ketel. Toe het hy gesê as mense sê ‘ joh ... dankie Salome jy het my rug gefix,’ dan moet ek sê nee, dit is die Here, ek is net ‘n instrument in Sy hande. Die derde ding was dat ek my finansies in die hand van die Here moet laat.”

Haar lewensleuse is dat haar praktyk aan die Here behoort en “om daagliks te vernuwe, om te gee, die liefde te leef en om te luister!”

Salome is ‘n mense-mens. Vir haar is haar praktyk geïntigreerd in die gemeenskap en deel van ‘n gevestigde netwerk wat nie bedreig voel teenoor mekaar nie.

“Nou die dag het ‘n tannie se valstande gebreek en sy het gesê ‘Bel net vir Salome se mense hulle sal kan help.’ Dit is mos lekker as mense weet waar hulle kan aanklop vir hulp.

“In al my 30 jare as fisioterapeut op Uitenhage het die Here my geseën met die ongelooflikste personeel. Die beautifulste mense. Dit het begin met my eerste sekretaresse, Lorraine van Aswegen wat ‘n engel reg uit die hemel was. Tot vandag toe voel ek so gebless met almal wat hier saam met my werk.”

Daar was ook tye wat dit rof gegaan het en dit was juis dié negatiewe insidente wat vir Salome bevestig het wat lojaliteit beteken.

“Elke plek het ‘n aura en ek sê vir jou, Uitenhage is ‘n wonderlike plek. As daar een ding is wat hier soos ‘n paal bo water staan, is dit dat mense kan saamstaan vir mekaar.

“Mense vra my wanneer tree ek af, dan sê ek, ek weet ek is besig om fossielstatus te bereik, maar die dag as daar niemand meer hier inkom nie, dán sal ek aftree.”

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.