Petrolprys: Die grootste styging nóg

2018-10-04 06:03
Die styging in die brandstofpryse is deel van ’n bose siklus. Dit kan die prys van alle produkte - van kos tot motors - opdruk.          foto:verskaf

Die styging in die brandstofpryse is deel van ’n bose siklus. Dit kan die prys van alle produkte - van kos tot motors - opdruk. foto:verskaf

Multimedia   ·   User Galleries   ·   News in Pictures Send us your pictures  ·  Send us your stories

PETROL is vanaf gister - vir die eerste keer nóg - duurder as R17 per liter vir binnelandse motoriste.

Dit kom nadat die grootste styging in die petrolprys sedert April 2015 deur die Sentrale Energiefonds aangekondig is.

Die 95-oktaan-petrol het met R1 per liter gestyg, wat 95-oktaan-petrol in die binneland op R17,08 te staan bring.

Aan die kus kos petrol nou R16,49 per liter. Die 93-oktaan-petrol is 99c per liter duurder.

Die slag vir dieselgebruikers is selfs groter. Diesel is nou R1,24 per liter duurder. Die groothandelprys van diesel het met tot R15.65 gestyg in die binneland en R15,16 aan die kus. Die kleinhandelprys van diesel word nie gereguleer nie.

Gas het met R1,79 per kilogram gestyg en paraffien met R1,39 per liter.

Die stygings beteken die Sentrale Energiefonds het nie die subsidie wat hy in September geabsorbeer het, die maand van motoriste verhaal nie. Dit bly ’n ope vraag wanneer motoriste dié pyn gaan voel.

Hoe gemaak om begroting te laat klop?

Motoriste wat hul begroting wil laat klop, moet tussen 6% (binneland) en 6,5% (kus) meer vir petrol begroot en tussen 8,6% binneland en 9% (kus) meer vir diesel.

Dis nou as hulle dieselfde afstand gaan ry in Oktober as in September en nie dalk die langpad gevat het oor die skoolvakansie, wat Vrydag begin het, nie.

Anders gestel, as jy elke maand 200 liter brandstof gebruik - min of meer wat jy nodig het om elke dag 20km werk toe en terug te ry - gaan jy R200 meer in jou begroting moet vind vir petrol, of R248 meer vir diesel.

Styging deel van bose siklus

Die styging in die brandstofpryse is deel van ’n bose siklus. Dit kan die prys van alle produkte - van kos tot motors - opdruk omdat padvervoer die manier is waardeur dié produkte op winkelrakke of in vertoon- lokale kom.

Dit laat die algemene inflasie-koers styg, wat op sy beurt kan meebring dat die Reserwebank vroeër eerder as later die rentekoers verhoog.

Sommige ontleders verwag dat die rentekoers reeds in November gaan styg.

Die rede vir die skerp styging in Oktober is byna gelykop verdeel tussen die twee faktore wat Suid- Afrikaanse brandstofpryse bepaal - die rand-dollar wisselkoers en internasionale oliepryse.

  • Vir petrol is die rand verant-woordelik vir 49c van die styging en vir diesel 51c per liter. In die oorsigmaand vir Oktober was die rand gemiddeld R14,79 werd, teenoor R13,94 in die oorsigmaand vir September se pryse.
  • Hoër internasionale oliepryse is verantwoordelik vir 51c per liter vir petrol en 49c vir diesel. Die prys vir Brent-ruolie het die afgelope week vir die eerste keer sedert November 2014 to bo $80 per vat gestyg en pessimistiese ontleders voorspel dat dit voor Kersfees of minstens vroeg in 2019 tot meer as $100 per liter gaan styg.
  • Tot dusver in 2018 is petrol R2,32 per liter duurder in die binneland en R2,22 aan die kus.
  • Diesel is R2,69 per liter duurder in die binneland en R2.59 aan die kus.
  • Paraffien is to R1,92 per liter duurder vir die jaar.
  • Gas is tot R3,17 per kilogram duurder vir die jaar.

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.
NEXT ON NEWS24X

Inside News24

 
/News
Traffic Alerts
Traffic
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.