Vuurwolk maak nuuskieriges fotogek

2019-01-31 06:21
’n VUURWOLK ontplof in Rangers se skrootwerf. Hier kan gesien word hoe voetgangers geskok terugkyk. Foto: FACEBOOK

’n VUURWOLK ontplof in Rangers se skrootwerf. Hier kan gesien word hoe voetgangers geskok terugkyk. Foto: FACEBOOK

Multimedia   ·   User Galleries   ·   News in Pictures Send us your pictures  ·  Send us your stories

’n ANGSWEKKENDE groot vuurwolk wat hoog bo geboue in Konstitusieweg op Uitenhage ontplof het, het voetgangers op die vlug gehad en sosiale media platforms laat gons.

Binne minute na die ontploffing was daar ’n spotprent wat die rondte gedoen het met ’n foto van die ontploffing en die woorde “When Osama Bin Laden strikes Uitenhage” daarop.

Die brand en daaropvolgende ontploffing, verlede week Woensdagmiddag omstreeks 17:00, was in Rangers motoronderdele-handelaar se skrootwerf.

“Ons is baie dankbaar daar is niemand beseer of dood nie. Daar is ook geen honde beseer of dood nie. Dit is ook nie brandstigting nie en ook geen versekeringsfoefie nie. Daar is niks van al die snert wat mense op Facebook en WhatsApp kwytgeraak het nie,” sê Terry Ranger, eienaar van Rangers Motor Spares & Engine Reconditioners.

“Die brandweer het ’n fantastiese job gedoen en was baie gou op die toneel. Hulle het verhoed dat die brand na die ou erfenis-geboue versprei. So, baie, baie dankie aan al die brandweermanne en -vroue wat kom help het,” sê Ranger.

Die ou spoorweg-geboue is nasionale ge-denkwaardighede en is in 1904 gebou. Dié geboue is deel van ’n langtermyn-ontwikkelingsplan van die Nelson Mandelabaai ontwikkelings-agentskap.

’n Paar nuuskierige mense wat met hul selfone beeldmateriaal van die brand wou neem het fanaties begin om die skrootwerf se sinkplate af te ruk vir ’n beter uitsig.

“Dit was rof, die mense het soos miere teen die plate opgeklim en hul verlustig in ander se verlies. Ons moes die polisie vra om te kom help met skarebeheer,” sê Mia Smit.

Volgens Ranger het die brand ontstaan terwyl sy werkers op die perseel besig was met opruimwerk.

Kaptein Gerda Swart, woordvoerder van die Uitenhage polisie, het bevestig dat daar geen beserings was nie en dat dit ook nie brandstigting was nie.

NEXT ON NEWS24X

Join the conversation!

24.com encourages commentary submitted via MyNews24. Contributions of 200 words or more will be considered for publication.

We reserve editorial discretion to decide what will be published.
Read our comments policy for guidelines on contributions.

Inside News24

 
/News
Traffic Alerts
There are new stories on the homepage. Click here to see them.
 
English
Afrikaans
isiZulu

Hello 

Create Profile

Creating your profile will enable you to submit photos and stories to get published on News24.


Please provide a username for your profile page:

This username must be unique, cannot be edited and will be used in the URL to your profile page across the entire 24.com network.

Settings

Location Settings

News24 allows you to edit the display of certain components based on a location. If you wish to personalise the page based on your preferences, please select a location for each component and click "Submit" in order for the changes to take affect.




Facebook Sign-In

Hi News addict,

Join the News24 Community to be involved in breaking the news.

Log in with Facebook to comment and personalise news, weather and listings.