News24

Indoda igwaze izingane ezingu-22 eChina

2012-12-14 14:02

Beijing - Indoda ivuke umbhejazane yagwaza izingane ezingu-22 ezifunda esikoleni samabanga aphansi eChina, kusho izikhulu kuleliya lizwe ngoLwesihlanu.

Umhlaseli lo uboshiwe, kusho okhulumela uhulumeni waseGuangshan esifundazweni iHenan, nalapho kwenzeke khona lesi sigameko.

"Kugwazwe izingane ezingu-22 zesikole samabanga aphansi, nomuntu omdala ohlala endaweni, kodwa akekho oshonile," kusho lesi sikhulu esinqabile ukudedela igama laso sitshela abe-AFP.

Inhlangano yabezindaba iChina News Service ithe le ndoda ihlasele abafundi ngaphandle kwamagceke esikole.

IChina isike yazibona izigameko ezinjengalezi kule minyaka emibili eyedlule, okubalwa izigameko zango-2010 nalapho kwabulawa khona abantu abangu-15.


 - Landela IzindabaNews24 kuTwitter