News24

Kushone 17 kuhlaselwa eBaghdad

2013-01-22 16:22

Bangdad - Izehlakalo ezahlukene zokuhlasela ngamabhomu ezenzeke ngoLwesibili, zishiye abantu abangu-17 beshonile eBaghdad, kusho amaphoyisa angathandanga ukudalulwa.

Yize noma bengekho abaphumele obala bavuma umonakalo, izinsolo zithi abahlaseli yiqembu iSunni, elidlelana ne-Al Qaeda.

Ukuhlasela kokuqala kwenzeke ekuseni eMahmoudiya, endaweni eqhele ngo-30 kilometers nenhlokosolobha, bahlanu abantu abashone kulesi sehlakalo kwalimala kambi abanye abangu-15, kusho amaphoyisa.

Kwesinye isehlakalo idelakufa liziqhumise ngebhomu eTaji, kwashona abantu abayisikhombisa kwalimala abanye abangu-26.

Isehlakalo sokugcina senzeke eShula, kuqhume imoto ebipakiwe icushwe ngamabhomu, kwashona abantu abahlanu kwalimala abangu-15.
 



 – Landela Izindaba News24 kuTwitter (@IzindabaNews24).