Dr, ek is ''n vrou en snork my man wakker in die nag - dit is ''n nagmerrie! Ek verstaan dat snork meestal te wyte is aan die keelspiere wat te veel verslap en dan sak die hele keelgedeelte terug en dit is die vibrasie van die kleintongetjie wat die geluid veroorsaak. Dit maak nie saak of ek op my sy of rug slaap nie, ek snork dat die biesies bewe! Ag dr, dit veroorsaak probleme, want my man kry nie geslaap nie. Wat kan ek doen om die probleem hok te slaan?