Dankie vir u antwoord Dr.
U vra vir meer inligting. My seuntjie van 4 jaar het in Desember 2002 vir 'n tandherstel prosedure gegaan. Met 'n konsultasie van die narkotiseur voor die narkose, het hy 'n sistoliese hartgeruis waargeneem. Hy het die hulp van 'n internis ingeroep wat met sy ondersoek 'n aorta sistoliese geruis waargeneem het. 'n Hart sonar is uitgevoer waarna die internis vir my gese het dat my seuntjie 'n aorta stenose het en my verwys na 'n kardiopediater. Ek kan egter eers in Februarie 'n afspraak by die Dr. kry.

Ek het geen idee wat die toestand veroorsaak het nie. Die kind sweet al van geboorte af oormatig, raak maklik uitasem, kry uitgebulte aar aan die regterkant van sy nekkie en het alreeds voorheen 'n apnee aanval gehad.

Kan u aub vir my meer inligting oor die toestand gee, want soos u self kan verstaan is ek werklik bekommerd oor sy toestand.