Hallo Doc,

Ek het 'n matige Mitrale Valve Prolapse. Ek was gister na my Tandarts vir 'n kroon-inplanting (ons het 16/03/07 die voorbereiding gedoen en ek het daardie dag 4x antibiotika's geneem). Ek het verlede week geskakel en hulle het gesê dis nie nodig om weer antibiotika's te neem nie aangesien sy nie bloeding gaan versoorsaak nie. Daar het egter iets fout gegaan gister met een van die penne en my mond het gebloei (sy het 'n rukkie lank gesukkel om dit te stop).

Ek het gister-aand nie baie lekker gevoel nie en vandag is ek lyfseer, effe koorsig. Ek het ook 'n seer keel - kan netsowel begin van verkoue wees.

Ek het al so baie gehoor van die "Endocarditis" en het 'n vrees dat ek dit sal ontwikkel.

Wat is die vooraf-tekens van die infeksie? hoe lank na die prosedure sal ek simptome kry? hoe stel 'n mens vas of dit 'n onskuldige seer keel/verkoue is of die infeksie?

Sal enige raad verwelkom.