Ek is Sept getroud met 'n wonderlike man en het terselfde tyd ook 'n kits ma geword van 'n seun 14 en 'n dogter 7. Ek is baie lief vir hul almal, al gaan dit partykeer baie moeilik. Hul ma bly in PE en is net in -|- ak wanneer dit haar pas. So twee naweke terug het sy Jhb toe gekom en by een van haar ander dogters gebly en die kinders het vir die naweek by hul gaan kuier. Waaroor ek baie bly is, want ek weet hul mis haar. My probleem is net, nou dat sy weer weg is, sukkel ek verskriklik met die dogter. Wanneer dit haar pas is ek goed genoeg, dan word ek selfs ma genoem (hul noem my tannie, en ek druk hul geensins om my "ma" te noem nie). Maar nou ewe skielik word ek nie gegroet nie, daar word gehuil as ek en my man mekaar druk/soen voor die kinders. Ek weet net nie meer nie. Ek probeer my bes om dit vir hul so lekker as moontlik te maak by ons, veral om hul nie baie -|- ak met hul ma het nie. Maar dit is asof al my harde werk net so in die nuut gegaan het, nadat hul 'n naweek by haar was. Ek voel regtig moedeloos! Vanmmore is ek weer geignoreer en glad nie more gese nie. Totdat my man hul gevra het of hul my gegroet het, waar ek toe my "cool" verloor het, en gese het dat sy my nie hoef te groet nie. Ek weet dit was nie die regte optrede nie, ek was net keelvol dat iemand eers iets moet se voordat hul my groet of iets. Kan u asb vir my help met raad hoe om hierdie situasie te hanteer, want ek weet nie meer nie. Dankie