Hallo Hester,

Om alles oor hartversaking te skryf sal ‘n hele boek vat !! Kortliks, werk die hart net soos enige pomp. Daar kan verskillende probleme onstaan wat die pomp se aksie minder doeltreffend maak. As daar ‘n onderdeel vervang kan word, en die pomp geen permanente skade intussen gely het, kan die pomp heeltemaal herstel. Indien dit nie so is nie, kan ander maatreels ingestel word om die werk van die pomp te verminder, sodat dit nog in werkende toestand kan bly.

In die liggaam, kan daar bv waterpille en bloeddrukpille voorgeskryf word, om die lading van die hart te verminder. Met die verminderde vereistes, kan die hart dan weer normaal werk. Die regstelling van enige omkeerbare toestande wat die hartversaking in die begin veroorsaak het, sal ook die toestand verbeter. bv. as die hartversking veroorsaak is deur kroonaar siekte, sal ‘n omleiding help.

Die beste persoon om jou hiermee te help is ‘n kardioloog. Die behandeling kan soms moeilik wees, en kan ook lank vat.

Sterkte,

HeartDoc