My man is 40 jaar oud, normale gewig en eet meestal gesond. Hy het die volgende simptomes: Drink baie water (3.6l water + 2l ander vloestowwe) en is gereeld dors. Hy het gesukkel om te fokus op sekere fyn goed wat hy doen (blurred) maar dit is beter vandat hy supradin drink. Hy het onlangs ''n baie ernstige blaasinfeksie gehad (iets wat hy nooit voorheen gehad het nie). Sy vastende insulien en glucose is getoets die uitslae was soos volg: Glucose: 5.18 en insulien 11.38 wat blykbaar normaal is. As hy gaan sit in die aand sal hy sommer aan die slaap raak op die stoel (Dit lyk of hy stadiger en vlakker asem haal wanneer hy so aan die slaap raak). Hy kry ook in die aande die vreeslikste krampe in sy bene en moet strek voordat hy enigsins kan dink om te slaap. Kan dit diabetes wees of wat anders?