Beste Cyberdoc,

ek is nogal aktief, gim gereeld en is gesond.
Die laaste tyd voel ek 'n stramheid in my lae rug en as ek lê en sit, pyn veral my regterbeen tot in my voet in. Ek voel soms ook, veral as ek klaar geoefen het, 'n vae speldeprikgevoel in my voete en pyn en 'n swaar gevoel in my bene.
Wat vreemd is, is dat ek dit glad nie voel as ek loop of staan nie. Ek besef daar is drukking êrens en dat ek moet laat kyk daarna.
Ek het reeds 'n afspraak by 'n ortopeed gemaak, maar wonder nou of dit die regte soort dokter is om te gaan sien.
Watter soort dokter sal die beste diagnose kan maak?
Ek kan net noem dat ek dieselfde probleem omtrent 'n jaar gelede gehad het, my GP het x-straalplate geneem en kon niks fout sien nie. Hy het gemeen dis spier-inflammasie.
Die probleem het mettertyd beter geword, maar kom en gaan steeds en is nou weer erger.
Dink CyberDoc dis dan maar beter om 'n spesialis te gaan sien? Ek is bang my dokter het iets misgekyk, en wil ook seker maak ek doen nie oefeninge wat meer skade as goed doen nie.
Groete,
akrobaat