Beste Nadia, die swelling word veroorsaak deur swak bloedsomloop in die onderbene asook die lugdrukveranderinge en die feit dat sy kuitspiere nie werk terwyl hy vlieg nie, normaal werk dit soos "pompe" as mens loop, om die bloed terug te pomp hart toe. Ek dink hy moet 1/2 disprin drink vanaf so 2 dae voor hy vlieg mits hy nou nie allergies of iets is daarvoor nie. Mens kry ook spataarkouse wat net tot by die knie kom en soos "bobby socks" lyk wat hy kan aantrek die dag as hy vlieg om die sirkulasie aan te help en die swelling te voorkom - hy kan dit onder sy gewone kouse aantrek. Hy moet ook gereeld opstaan en sy bene beweeg op die vlug al is dit net in die paadjie op sy tone staan! Hy behoort van die kouse by 'n plek soos Dischem te kry?