Aanlyn-ontrouheid dra by tot hoë egskeidingsyfer

Facebook en ander sosiale netwerk-webwerwe hou nie net potensiële gevare vir kinders en jong tieners in nie – hulle is ook amptelik die oorsaak van die verbrokkeling van een uit vyf huwelike in die VSA.

Hierdie syfer is aan die German Press Agency dpa verskaf deur Allan Mantel, 'n leidende Amerikaanse prokureur wat in egskeidings spesialiseer en president van die American Academy of Matrimonial Lawyers (AAML) in New York Staat is.

"Google, Facebook, MySpace en Twitter maak dit makliker vir 'n eggenoot om ontrouheid te bewys," sê hy. "Die egskeidingsyfer as sodanig het egter nie veel verander nie. Mense was nog altyd ontrou."

Die helfte van alle huwelike in die VSA eindig in die skeihof.

Beroemdes ook skuldig

'n Onlangse peiling deur die AAML het getoon dat van die buite-egtelike verhoudings wat met behulp van die internet oopgevlek is, 66% deur Facebook bewys is, 15% deur MySpace, 5% deur Twitter en die oorblywende 15% deur minder bekende webwerwe.

Selfs 'n paar beroemdes is deur aanlyn netwerkdienste uitgevang, soos byvoorbeeld Eva Longoria, een van die sterre van Desperate Housewives, wat haar man, professionele basketbal-speler Tony Parker, vir egskeiding gedagvaar het.

Volgens berigte is die paartjie uitmekaar toe Longoria uitgevind het dat Parker intieme Facebook kontak met 'n ander vrou gehad het.

(Sapa, Desember 2010)

Lees verder:

Huweliksverbrokkeling en skeiding

Egskeidingsondersteuningsgroep

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Voting Booth
Have you entered our Health of the Nation survey?
Please select an option Oops! Something went wrong, please try again later.
Results
Yes
29% - 9741 votes
No
71% - 23833 votes
Vote