Bleik van tande dán onwettig

Net tandheelkundige praktisyns wat by die Raad vir Gesondheidsberoepe van Suid-Afrika (RGB) geregistreer is, mag mense se tande bleik.

Skoonheidsalonne en spa's wat ander ongeregistreerde individue gebruik om dié diens te lewer, oortree die wet, het die Suid-Afrikaanse Tandheelkundige Vereniging (SATV) gesê.

Dr. Jeff Michelson van die SATV het onlangs gesê die vereniging het die laaste maande etlike klagtes ontvang oor mense wat hulle skuldig maak aan 'n strafregtelike oortreding ingevolge die Wet op Gesondheidsberoepe.

Volgens Michelson het die SATV die kwessie reeds in 2009 by die RGB aangemeld.

Die RGB het die SATV na die polisie verwys. Mannekragprobleme en in sekere gevalle 'n gebrek aan kundigheid oor 'n mediese veld maak dit moeilik om sulke sake behoorlik te ondersoek. Die polisie het ook steeds steun van die RGB nodig.

Tandheelkundige dienste deur leke

Me. Maretha Smit, uitvoerende hoof van die SATV, het gesê hulle is bekommerd oor die toename in tandheelkundige dienste deur leke. Volgens die SATV weet sommige diensverskaffers moontlik nie dat hulle die wet oortree deur tande te bleik nie.

As dié prosedures nie reg gedoen word nie, kan pasiënte met permanente skade gelaat word.

Dit sluit sensitiewe tande en skade aan die tandvleis in.

Die langtermynuitwerking van sterk bleikmiddels op die tandpulp (weefsel binne die tand) en emalje is glo ook nog onduidelik. – (Antoinette Pienaar/Beeld, Julie 2011)

Lees meer:
'n Gesonde mond

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Voting Booth
Have you entered our Health of the Nation survey?
Please select an option Oops! Something went wrong, please try again later.
Results
Yes
33% - 9328 votes
No
67% - 18816 votes
Vote