Twitter verbeter universiteitstudente se punte

'n Nuwe studie het bevind dat sosiale netwerkplatvorms soos Twitter universiteitstudente se betrokkenheid by die leerproses kan verhoog, én hulle punte kan verbeter.

Die studie is op 125 studente wat 'n eerstejaar voorbereidingskursus vir professionele werkers in die gesondheidsdienste gevolg het, uitgevoer. Sewentig van hierdie studente het Twitter vir verskeie akademiese besprekings gebruik en die ander 55 was die kontrolegroep.

Die studente wat Twitter gebruik het se betrokkenheid by die leerproses was beduidend hoër as dié van die kontrolegroep. Die skrywers van die studie wys daarop dat Twitter nie net die studente se kontak met hulle instrukteurs verhoog het nie, maar ook met mekaar, wat dit vir hulle moontlik gemaak het om mekaar in 'n virtuele leergemeenskap te ondersteun.

Die Twitter-groep het ook aan die einde van die semester gemiddeld hoër punte as die ander behaal.

Sosiale netwerk help studente om meer betrokke te raak

"Die konsep dat studentebetrokkenheid by 'n lae-kredietkursus deur die gebruik van tegnologie buite die klaskamer verhoog kan word, is een van die sleutelbevindinge," sê medeskrywer van die studie Greg Heiberger, koördineerder van voorbereidingskursusse vir die gesondheidsdienste in die departement van biologie en mikrobiologie van die South Dakota State University.

"Dit was 'n een-krediet-kursus en die instrukteurs het daagliks kontak met die studente gehad, wat nie baie in een-krediet-kursusse gebeur nie," voeg hy by.

Die studie is in die Journal of Computer Assisted Learning gepubliseer.

(Kopiereg © 2010 HealthDay. Alle regte voorbehou.)

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Voting Booth
Have you entered our Health of the Nation survey?
Please select an option Oops! Something went wrong, please try again later.
Results
Yes
33% - 9324 votes
No
67% - 18749 votes
Vote