Juffrou van formaat lééf vir kleinspan

HAAR stem is skor van die oormag werk, práát met die skoolhou, en sing, maar haar meelewing en pas-sie vir kinders is in volle blom.

Carla Smit is ’n warrelwind waardeur jy ’n blik kry van ’n wye glimlag, lang, blonde hare en ‘n enorme hart – wat deurdrenk is van liefde vir kinders.

Sy is ’n enkelmamma met uitdagings wat haar reeds sagte hart vermurwe vir die stryd van ander.

Soos gevierde Afrikaanse digter Elizabeth Eybers geskryf het: Ek moes deur baie pyn om mens te word . . . So temper die lewe mens om meer te word.

En dit is waarom Carla se murghart met insig en liefde kan uitreik na die jonges wat sy elke jaar kry om soos klei te vorm.

In die vroeë negentigs het sy afstudeer by Normaal Kollege Pretoria.

Haar pad met skoolhou het 26 jaar gelede begin.

Musiek

Carla is nie net mooi van binne en buite nie, sy is taalvaardig ook en praat Noord-Sotho. Sy is boonop ’n musikant en koorafrigter van formaat.

Toe sy in die noorde gebly het, het sy kore van 80 kinders gehad.

“Dis ’n voorreg om met kinders musiek te maak, want jy is so deel van hulle lyfies en stemme,” borrel sy. “Soos ek ouer raak, word dit lekkerder. Soos die eie ék doodgaan, hoe liewer raak ek vir die onderwys en kinders.”

Haar passie is nie net om klein lewens te vorm nie, maar om in hulle te belê. Nie net kennis nie, maar ’n volronde en omvattende bundel van insig begelei met musiek en – bo alles – tonne liefde en deernis.

Pharos Skool

Carla hou skool by die Pharos Skool wat elkeen se potensiaal wil ontsluit sodat God se doel vir elkeen vervul sal word. “Kinders moet skyn en dit is ons taak om hulle te help om hul passie te ontdek,” meen Carla.

Hierdie passie het daartoe gelei dat sy The Ladies Lighthouse begin het waar weerlose mammas en kinders op hul voete gehelp word.

Safsag en blink – dit is Carla.

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
When assisting your child with remote learning this year, did you:
Please select an option Oops! Something went wrong, please try again later.
Results
Follow the school's comprehensive sexuality education (CSE) curriculum?
13% - 248 votes
Adjust the CSE curriculum to suit the family's morals?
24% - 454 votes
Ignore the schools CSE programme and do your own teaching?
63% - 1189 votes
Vote
ZAR/USD
15.33
(+0.69)
ZAR/GBP
20.42
(+0.80)
ZAR/EUR
18.34
(+0.45)
ZAR/AUD
11.26
(+0.78)
ZAR/JPY
0.15
(+0.76)
Gold
1803.98
(+1.43)
Silver
23.39
(+3.28)
Platinum
981.00
(+1.60)
Brent Crude
47.66
(-0.77)
Palladium
2387.00
(+1.63)
All Share
57398.72
(+0.54)
Top 40
52680.91
(+0.58)
Financial 15
11188.03
(+0.26)
Industrial 25
79133.38
(+0.21)
Resource 10
53365.86
(+1.26)
All JSE data delayed by at least 15 minutes morningstar logo