Nie te ver vir ’n Sondag-rit

Sjef Wynand Coetzee en sy wynkenner-vrou, Sarah, is sedert begin Augustus aan die stuur van sake by die Kliphotel Country Store in Misgund.                 Photo: MONIQUE BASSON
Sjef Wynand Coetzee en sy wynkenner-vrou, Sarah, is sedert begin Augustus aan die stuur van sake by die Kliphotel Country Store in Misgund. Photo: MONIQUE BASSON

DIE beeldskone Langkloof se son groet my met sjarme en ’n karnaval van kleure soos die laaste paar kilometers onder die wiele verbyrol.

Net voor ek die Oos-Kaap agterlaat, stop ek by die padstal vol outydse sjarme aan die linkerkant van die pad. Gereed vir ’n heerlike koppie boeretroos saam met eienaars Andrew en Sarah Coetzee.

Die Kliphotel Country Store, op die bekende Roete 62 in Misgund, is ’n ouwêreldse sprokie met die opwinding van fantasie, hartlikheid en heerlike kos.

Dié gerieflik toeganklike winkel is in alle opsigte ’n besoek werd. Hier kry jy sommer met die intrapslag ’n ouwêreldse plaasgevoel.

Sjef Andrew en sy wynfundi-vrou Sarah is sedert die begin van Augustus aan die stuur van sake by die Kliphotel. Die twee oud-Stellenboschers het ’n dogter van 22 maande.

Die twee is dit eens dat hulle gereed is vir die nuwe uitdaging, en die rustiger leefstyl wat die Langkloof bied. Hulle het dié juweel van die voormalige eienaar, Anton Gerber, gekoop.

Die geskenkwinkel spog met handgemaakte gebruiksgoed en dekor om jou tuiste te verfraai. Daar is die oulike geskenke van Pretti Cool Things deur Helena Gerber. Die rakke is volgepak met tuisgemaakte konfyte, blatjang en ingelegde vrugte – alles sonder preserveermiddels of kleurmiddels.

Hier kry jy Italiaanse koffie en smul aan hul watertand boere-ontbyt, ’n ligte middagete of varsgebakte spesialiteitsbrode, skons en be-skuit.

Die kos is puik en duidelik gewild. Die spyskaart laat jou mond water en die pryse is mededingend.

Eetgoed vir spesiale geleenthede is op bestelling beskikbaar.

Die Kliphotel is ideaal vir ’n romantiese aand weg of vir die moeë reisiger. Want, in dié klipmuur “hotel” met kaggelvure in die winter, is daar gesellige leeshoekies en ruim kamers waarin jy jouself kan tuismaak.

Troues en gesellighede word hier gehou. Die restuarantgedeelte kan vir meer intieme gesellighede ingespan word.

Geen versoek is vir die egpaar te groot of te klein nie.

Die Coetzees het groot planne vir die Kliphotel: ’n mengelmoes van geskenke, nuwe disse en vertonings deur kunstenaars.

Agtergrond

Die Kliphotel Country Store, voorheen be-kend as die Redclyffe, het sy ontstaan aan ’n meevaller te danke.

’n Meneer Smith het die Redclyffe in 1931 gebou met geld wat hy in die Rhodesian Sweepstakes gewen het. Die hotel, toe nog op die hoofpad tussen Port Elizabeth en Kaapstad, het 22 klein kamers elk met ’n wasbak en kaste gehad. Daar was gemeenskaplike toilette en badkamers.

’n Paar jaar later is die Tuinroete opgra-deer, en die nuwe roete tussen Port Elizabeth en Kaapstad geraak. Die einde van ’n era het aangebreek.

Na baie jare van agteruitgang, het Anton en Helena Gerber die hotel in 2009 gekoop en na sy eertydse glorie herstel - met ’n paar mo-derne veranderings.

Nou is die Kliphotel in die knap hande van die Coetzees.

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
When a Covid-19 vaccine for under 16's becomes available, will you be taking your children to get it?
Please select an option Oops! Something went wrong, please try again later.
Results
Yes, immediately!
38% - 3016 votes
I'll wait to see how others respond
26% - 2082 votes
No, I don't think they need it
36% - 2928 votes
Vote
ZAR/USD
15.04
(-0.56)
ZAR/GBP
20.88
(-0.03)
ZAR/EUR
18.07
(-0.09)
ZAR/AUD
11.66
(-0.12)
ZAR/JPY
0.14
(-0.35)
Gold
1721.39
(-0.14)
Silver
26.20
(-1.11)
Platinum
1179.00
(-0.59)
Brent Crude
63.29
(-1.13)
Palladium
2343.00
(+0.43)
All Share
67522.98
(-0.02)
Top 40
62085.29
(-0.04)
Financial 15
12515.86
(+0.48)
Industrial 25
88340.05
(+0.29)
Resource 10
68487.43
(-0.70)
All JSE data delayed by at least 15 minutes morningstar logo