Umphakathi ufuna kulungiswe udaba lokushoda kwamanzi

UMPHAKATHI wasendaweni yaseNadi eSweetwaters uthi usukhathele inkinga yamanzi obhekene nayo.

Amalunga alomphalathi athi sekuphele isonto bengenawo amanzi empompini yabo kanti futhi akukho muntu obachazelyo ukuthi kungabe inkinga ikuphi okanye ukuthi amanzi azobuya nini.

Lo mphakathi uthi ukuhlupha kwamanzi kule ndawo sekudonse iminyaka kanti bebelokhu bethenjiswa njalo ukuthi inkinga izolungiswa kodwa akwenzeki lutho.

Ilunga lomphakathi elikhulume ne-Echo uMnu Sphesihle Shabalala uthe amanzi seloku ahamba ngoLwesithathu olwedlule mhla zingama-31 kuNtulikazi (July). Uthe nakuba azama ukubuya ngoMgqibelo awahlalanga isikhathi eside aphinde ahambe futhi.

“Ngaphambi kokuba uhambe uye kolala ntambama kumele uqale uhambe uyokha amanzi emfuleni oyidamu ukuze uzokwazi ukuthi ugeze ngawo ekuseni nezingane futhi zikwazi ukuthola amanzi okugeza uma ngabe seziya esikoleni. Nawo lamanzi esiwakhayo angcolile siwabanga nezinkomo awukwazi ngisho ukuthi ungathi uyawaphuza.

“Sesiside kakhulu isikhathi sithenjiswa ukuthi sizolungiselwa inkinga yamanzi kodwa kuze kube imanje ayikho nje into eyenzekayo. Ingako sesize singasakukhuthaleli ngisho ukubika uma ngabe amanzi ehambile ngoba vele asilutholi usizo,” kubeka yena.

Uqhube wathi into ehlupha kakhulu ukuthi uma ngabe ezohamba okanye ezobuya amanzi akekho umuntu obatshelayo.

“Uvele uthi uyahamba uyovula umpompi ufike komile amanzi engaphumi ungazi nokuthi uzokwenza njani. Uma ngabe futhi esebuya abuya isikhathi esincane ekubeni mayehamaba ehamba isikhathi eside.

“Mina nje amanzi okuphuza sengiwagcina emsebenzini ngoba ekhaya asinawo sinawokugeza nokuwasha esiwakha khona leli damu elingcolile,”kubeka yena.

Elinye ilunga lo mphakathi lithe okubaphatha kabi ukuthi uma ngabe manzi engekho abalethelwa ngisho iloli elithwala amanzi kodwa kumele bavele bazibonele ukuthi benza njani.

“Kuthiwa asiphile kanjani ngempela amanzi engekho Siyasaba phela ngeke size siphuze amanzi asemfuleni angcolile sizogula. Sesisaba nokuthi sizoguliswa ukuthi sigeza ngawo ngoba awahlanziwe nje. Into esiyifunayo ukuthi nje silungiselwe le nkinga yamanzi ukuze nathi sizokwazi ukuphila izimpilo ezejwayelekile njengabo bonke abanye abantu bakwenzinye izindawo abanamanzi,” kubeka lona.

Ikhansela lakule ndawo uMnu Sbusiso Mtshali uthe zikhona vele izindawo ezinenkinga yamanzi e-Sweetwaters akusiyona indawo yaseNadi kuphela.

“Nami lapho ngihlala khona sike sivuke amanzi engekho kodwa abuye aphinde abuye. Siyaye siwunxuse-ke kodwa umphakathi ukuthi uma ngabe amanzi esehambe isikhathi eside basibikele ukuze sizobona ukuthi singabalekelela kanjani,” kubeka yena.

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
When planning for the Black Friday sales do you:
Please select an option Oops! Something went wrong, please try again later.
Results
Save, research and plan ahead, preparing to make the most of it?
8% - 906 votes
Wait and see what looks like a good deal on the day?
14% - 1704 votes
Have no interest in spending more money this year?
78% - 9383 votes
Vote
ZAR/USD
15.21
(+0.91)
ZAR/GBP
20.31
(+0.88)
ZAR/EUR
18.08
(+0.71)
ZAR/AUD
11.19
(+0.24)
ZAR/JPY
0.15
(+1.06)
Gold
1807.64
(-1.54)
Silver
23.20
(-1.30)
Platinum
960.00
(+3.66)
Brent Crude
45.51
(+2.15)
Palladium
2340.00
(+0.48)
All Share
57761.92
(+1.08)
Top 40
53049.43
(+1.09)
Financial 15
11674.99
(+2.97)
Industrial 25
80126.12
(+0.26)
Resource 10
52568.48
(+1.54)
All JSE data delayed by at least 15 minutes morningstar logo