‘Weermag nog nie nodig in PE’

Bheki Cele, minister van polisie, word Donderdag vergesel deur polisiebeamptes terwyl hy deur die strate van Port Elizabeth se bendegeteisterde gebied stap. Foto: Cara-Lee Dorfling
Bheki Cele, minister van polisie, word Donderdag vergesel deur polisiebeamptes terwyl hy deur die strate van Port Elizabeth se bendegeteisterde gebied stap. Foto: Cara-Lee Dorfling

DIE weermag se ingryping word nie in Port Elizabeth se bendegeteisterde gebiede benodig nie, het Bheki Cele, minister van polisie, Donderdagmiddag gesê.

Hy het gereageer op verskeie versoeke tydens sy besoek aan die gemeenskap in Booysenspark, ’n gebied waar bendegeweld seëvier, om soos in Kaapstad ook vir Port Elizabeth se bendestryd hulp in die vorm van soldate te stuur.

Cele sê hy neem kennis van die versoek, maar die ontleding van die situasie op grondvlak wat hy het, dui nie op die onmiddellike noodsaaklikheid vir die weermag se ingryping nie.

Christian Martin, ’n kampvegter teen bendegeweld en vir die regte van inwoners in Port Elizabeth se noordelike voorstede, sê egter die ontplooiing van die weermag is lankal reeds nodig.

Volgens hom het bendemisdaad in Port Elizabeth sedert die begin van 2019 reeds die lewe van 114 mense geëis.

“Bendegeweld is ’n nasionale krisis, daarom is dit nodig om ’n noodtoestand te verklaar,” sê Martin.

Benewens die weermag is spesiale howe vir bendesake, hommeltuie en seinblokkeerders by al die tronke volgens Martin nodig om die situasie hok te slaan.

Cele het Donderdag na die noordelike voorstede van Port Elizabeth teruggekeer nadat hy in Desember die gebied besoek en erken het dat die skietery in dié bendegeteisterde gebiede ’n probleem is.

Met daardie besoek was Cele van voorneme om ’n teenbende-eenheid, soortgelyk aan die eenheid in Kaapstad, vir die stad se bendegeteisterde gebiede op die been te bring.

Boonop het hy ook ’n bykomende polisiekantoor vir die Bethelsdorp-gebied, wat ’n bevolkingsontploffing ervaar, beloof.

Die polisiekantoor sou binne agt maande sy deure geopen het om die gemeenskap te dien.

Twee weke gelede het ’n gewelddadige betoging uitgebreek toe inwoners van Booysenspark die strate ingevaar het uit protes teen die gebrek aan vordering aan die beloofde polisiekantoor, terwyl inwoners toenemend deur bendegeweld geteister word.

Dit het ’n belofte van Cele gekos om die gebied te besoek voordat die betogers uitmekaargegaan het.

Donderdag het Cele gesê werkers sou Vrydag reeds met die ontbossing van die perseel vir die nuwe polisiekantoor van R11 miljoen in Chatty begin het, maar weens die vakansiedag sal die kontrakteur eers Maandag met die werk begin.

Bouwerk aan die polisiekantoor sal binne ses weke voltooi word, sê lt.genl. Liziwe Ntshinga, provinsiale polisiekommissaris.

Na verwagting sal die polisiekantoor amptelik teen Oktober geopen word.

Advertensies vir dié polisiekantoor se poste is ook reeds uitgestuur, sê Ntshinga.

Cele sê die polisie doen weg met die groot polisiekantore en mediumgrootte polisiekantore, in meer gebiede, word eerder gebou.

Hy sê die teenbende-eenheid (wat nog nie amptelik bekend gestel is nie), het sedert die nuwe boekjaar reeds 37 mense vir bendeverwante misdaad aangekeer.

“Sedert Januarie vanjaar was daar 19 mense wat (in verband met bendegeweld) tronk toe gestuur is vir ’n baie lang tyd, (gesamentlik) meer as 200 jaar. Twee van hulle dien vonnisse van lewenslank uit.

“Ja, misdaad is steeds hoog, maar ons glo die maatreëls wat ons ingestel het, sal ons vorentoe neem.

“So ja, daar is ’n vordering teen bendegeweld. Ons glo sodra die eenheid permanent hier is, sal hulle selfs nog meer sukses behaal,” sê Cele.

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
When assisting your child with remote learning this year, did you:
Please select an option Oops! Something went wrong, please try again later.
Results
Follow the school's comprehensive sexuality education (CSE) curriculum?
13% - 332 votes
Adjust the CSE curriculum to suit the family's morals?
24% - 590 votes
Ignore the schools CSE programme and do your own teaching?
63% - 1564 votes
Vote
ZAR/USD
15.31
(-0.22)
ZAR/GBP
20.52
(-0.43)
ZAR/EUR
18.55
(-0.23)
ZAR/AUD
11.37
(-0.33)
ZAR/JPY
0.15
(-0.26)
Gold
1834.53
(+0.27)
Silver
24.04
(+0.09)
Platinum
1015.00
(+0.87)
Brent Crude
47.96
(+1.75)
Palladium
2393.00
(+0.39)
All Share
58747.53
(+0.80)
Top 40
53936.22
(+0.85)
Financial 15
11419.46
(+0.99)
Industrial 25
79649.53
(+0.74)
Resource 10
55972.69
(+0.90)
All JSE data delayed by at least 15 minutes morningstar logo