om

‘Ekkerige mense’

ONS het almal al ‘n “ekkerige” mens ontmoet. Dit pynig jou om in sulkes se geselskap te wees. Sulke mense praat gedurig oor hulself. Die woordjie “ek” word kwistig gebruik. Hulle spieël hulself gedurig in die opinie van andere. Hulle is jaloers op ander se sukses.

Hulle loop ander uit die pad, maar kan self geen kritiek hanteer nie. Hulle kan geen terugvoer oor hul swak optrede hanteer nie, maar sien dit net as negatiewe kritiek. Hulle sal jou druk todat jy hul siening oor sake onderskryf. Hulle dring daarop aan om met eerbied en respek hanteer te word.

Dalk sê u dadelik dat u sulke mense ken. Die punt is dat die Bybel ons altyd oproep om eers hand in eie boesem te steek voor ons die fout by ander soek. Van nature is ons almal maar “ekkerige mense”. Die beste voorbeeld hiervan is seker in die gelykenis van die Fariseër en die tollenaar in Lukas 18:9-14. Hier vertel Jesus ons ‘n verhaal oor ‘n “ekkerige” mens wat homself altyd na onder toe gemeet het.

As mens jou meet aan ander wat slegter, of minder opgevoed, of dommer as jy is, sal jy altyd die beste daarvan afkom. Die Fariseërs was in Bybelse tye mense met ‘n opgeblase ego.

Die tollenaars was die gestigmatiseerde mense, die mense wat jy afgeskryf het as brandhout vir die vuur. Ekkerige mense soos die Fariseërs het min deernis met ander gehad. Hulle het opgehou met selfondersoek en hulself gemeet aan die tekortkominge van ander.

Is baie van die spanning tussen groepe en individue in ons land nie dalk hieraan te wyte nie? Ons skryf outobiografieë oor onsself terwyl ons ander beskinder en karaktermoord pleeg. Ons moet eerder die gesindheid van Christus afbid, wat gekom het nie om sy eie beeld te poets nie, maar ander se voete te was. Jesus was die teenpool van “ekkerigheid”. En jy?

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
Who do you think is going to win the 2020 US election?
Please select an option Oops! Something went wrong, please try again later.
Results
Biden is going to take it
46% - 7037 votes
It's four more years for Trump
54% - 8143 votes
Vote
ZAR/USD
16.18
(-0.05)
ZAR/GBP
21.19
(-0.00)
ZAR/EUR
19.17
(-0.15)
ZAR/AUD
11.58
(-0.24)
ZAR/JPY
0.15
(-0.17)
Gold
1910.75
(+0.32)
Silver
24.78
(+0.42)
Platinum
889.00
(+1.02)
Brent Crude
42.50
(+1.69)
Palladium
2371.00
(+0.65)
All Share
55302.74
(+0.92)
Top 40
50740.30
(+0.92)
Financial 15
10468.17
(+0.89)
Industrial 25
74807.05
(+0.91)
Resource 10
53306.44
(+0.92)
All JSE data delayed by at least 15 minutes morningstar logo