‘Befoeterde bul in my tuin’

Melanie du Toit van Uitenhage is nie ’n boer nie, maar sy het ’n bul wat die afgelope maand in haar tuin boer.

Die groot swart loslopende bul kom soggens nog voor 06:45 en vreet homself trommeldik in haar tuin in Fairbridge Heights. Dan skuur hy sommer enigiets wat jeuk teen haar bome af.

“Brekfis, middagete en aandete is daai bul hier,” sê Du Toit.

Bedags loop hy blykbaar oor die besige Graaff-Reinetweg om by Willowdam uit te kom, waar hy dan sy dors les en onder die koeltebome lê, voordat hy weer die aand ’n draai by Du Toit se tuin maak.

“En om alles te kroon, het die bul nogal ’n ‘vriend’ vir ete oorgenooi. Sommer net so. Die Du Toit’s sal mos kos voorsien.”

Haar vyf lollipop-bome en vier jong palmbome voor haar huis is blykbaar soos soetkoek deur die tweemanskap verorber.

“Ons het die afgelope vakansiedag nogal in die tuin gewerk om die beeste se skade te herstel, maar dit is alles ongedaan,” sê sy moedeloos.

Du Toit sê sy ken die veebeheernommer al uit haar kop, so baie het sy dit al geskakel.

“Die mense van die diereskut kom uit, maar jaag die bul net rond en kry hom nie gevang nie.”

By navraag het Deirdré Swift, voorsitter van die Uitenhage Dierebeskermings- vereniging, gesê sy weet presies watter los- lopende bul dit is.

“Ek het al self amper in hom vasgery toe die bul oor Graaff-Reinetweg loop.

“Ek het al twee keer die veebeheermense gekontak om die bul skut toe te neem, maar hulle beweer die bul is te wild om te vang.”

Volgens ’n werker van die veebeheer- eenheid, wie se naam nie genoem mag word nie, het hulle al verskeie kere probeer om die bul op hok te jaag, maar die bul is té wild om vas te keer.

“Die bees is baie aggressief. Hy bestorm alles en almal.

“My bestuurder het gesê ál uitweg is om die bul in die teenwoordigheid van ’n veearts en die polisie te skiet, maar dit word nog bespreek,” het die beampte gesê.

Mthubanzi Mniki, ’n munisipale woordvoerder, het nie op navrae oor planne vir die bul en sy beesvriend gereageer nie.

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
When a Covid-19 vaccine for under 16's becomes available, will you be taking your children to get it?
Please select an option Oops! Something went wrong, please try again later.
Results
Yes, immediately!
38% - 4416 votes
I'll wait to see how others respond
26% - 2971 votes
No, I don't think they need it
36% - 4207 votes
Vote
ZAR/USD
15.50
(+0.12)
ZAR/GBP
21.46
(-0.04)
ZAR/EUR
18.38
(+0.06)
ZAR/AUD
11.87
(+0.06)
ZAR/JPY
0.14
(+0.33)
Gold
1687.84
(+0.20)
Silver
25.32
(+0.63)
Platinum
1148.00
(+1.01)
Brent Crude
68.09
(-1.61)
Palladium
2314.00
(+0.54)
All Share
68426.17
(+0.23)
Top 40
62910.60
(+0.19)
Financial 15
12747.28
(-0.10)
Industrial 25
87156.37
(-0.52)
Resource 10
71780.93
(+1.38)
All JSE data delayed by at least 15 minutes morningstar logo