Kleuterskool na 30 jaar stééds volstoom

=Pierie Wierie Kleuterskool & Nasorg se span kinders met (van links) Hester Drotsché, Eileen Bekker, Ester-Lynn Snyders, Teresa O’Neill en Riana Nell. Afwesig: Nomtsha Mahamba.      Foto:HEILIE COMBRINCK
=Pierie Wierie Kleuterskool & Nasorg se span kinders met (van links) Hester Drotsché, Eileen Bekker, Ester-Lynn Snyders, Teresa O’Neill en Riana Nell. Afwesig: Nomtsha Mahamba. Foto:HEILIE COMBRINCK

Die liefde vir kinders, is die grootste rede hoekom twee stigterslede van ’n kleuterskool op Uitenhage, na 30 jaar stééds volstoom betrokke is by grondslag- fase-onderrig.

Pierie Wierie Kleuterskool & Nasorg het in April 1988 sy deure oopgemaak met Eileen Bekker en Hester Erasmus (nou Drotsché) aan die stuur van sake. Daar was toe 12 kind-ers in die klas. Die twee vroue is tot vandag toe vuur en vlam vir opvoeding en die dryf agter dié kleuterskool.

“Ek kom uit ’n familie propvol onderwysers. My ma, Paddy Swanepoel, was my mentor. Sy het destyds met ’n skool vir gestremde kinders begin hier op Uitenhage. Dié skool het later jare ontwikkel tot Drostdy Werkplek soos ons dit vandag ken,” sê Eileen.

Paddy was vir 21 jaar die hoof van die skool en het ook die gesogte Rotariër De Mist-toe-kenning ontvang vir haar rol in die gemeenskap, veral ten opsigte van haar betrokkenheid by gestremde kinders.

“Destyds toe my ma haar skool moes opgee kon ek nie verstaan hoekom sy so emosioneel was nie. Ek’t vir haar gesê dis net ’n skool, maar vandag verstaan ek hoekom sy so gevoel het. Ek voel presies dieselfde oor Pierie Wierie, want dit is my baby wat nou al dertig is.

“Na my ma se aftrede het sy haar glyplank wat by haar skool was vir my gegee. Net daar het ek besluit ek wil ook ’n skooltjie hê. En dit was die begin van Pierie Wierie hier in Carinus-rylaan.”

Drie dekades later spog Eileen nie net met haar ma se oorspronklike glyplank op haar speelterrein nie, maar ook met ’n rondom- talie, die enigste op Uitenhage by ’n kleuterskool.

Paddy het destyds vir Eileen en Hester gehelp met die uitwerk van ’n kurrikulum.

“Ons lag nou nog, want toe ons twee begin het, was ons binne ’n halfuur klaar met die dag se werk. Dit moes ons vir vier ure besig hou! My ma sê toe, as daar tyd oor is laat die kindertjies toilet toe gaan. Toe sê ons, ons het hulle seker twaalf keer laat gaan en hande was en alles!

“So stupid was ons in die begin, maar mens leer mos vinnig uit jou foute en dinge was gou perfek volgens plan.”

Pierie Wierie is ’n multikulturele skool en bied ook nasorg vir graad 1 tot 7 leerders van Handhaaf aan. Daar is tans 65 leerders wat in die middae by Pierie Wierie vir nasorg inboek.

Pierie Wierie het 8 kleuters (3-4 jariges), 8 kinders in graad RR (5-jariges) en ook ’n pre-primêre klas met 15 kinders. ’n Span van 7 personeel is betrokke by die onderrig.

Die kleuterskool en nasorg is geregistreer by die departement van onderwys en volg ook hul kurrikulum.

“Baie, baie liefde vir die kinders en baie, baie geduld is nodig om ’n kleuterskool met sukses te bedryf.”

Eileen sê ’n kind bly ’n kind, maar oor drie dekades het omstandighede baie verander.

“Die Here het vir elke kind ’n pa en ma gegee. Die Here het goedgedink dat die ouers ’n kind moet lei, maar nou lei die kinders die ouers.”

Tog sê Eileen, sal die liefde vir kinders, deeglike opleiding, dissipline en baie geduld altyd die resep bly om ’n kind te laat gedy in sy of haar opvoedingsperiode.

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
When a Covid-19 vaccine for under 16's becomes available, will you be taking your children to get it?
Please select an option Oops! Something went wrong, please try again later.
Results
Yes, immediately!
38% - 2951 votes
I'll wait to see how others respond
26% - 2039 votes
No, I don't think they need it
36% - 2863 votes
Vote
ZAR/USD
14.98
(+0.29)
ZAR/GBP
20.86
(+0.69)
ZAR/EUR
18.05
(+0.69)
ZAR/AUD
11.64
(+0.09)
ZAR/JPY
0.14
(+0.60)
Gold
1723.82
(-0.84)
Silver
26.49
(-0.99)
Platinum
1184.00
(-0.96)
Brent Crude
64.90
(0.00)
Palladium
2349.99
(+0.85)
All Share
67536.96
(+2.12)
Top 40
62107.04
(+2.23)
Financial 15
12456.31
(+2.10)
Industrial 25
88082.08
(+2.25)
Resource 10
68969.71
(+2.24)
All JSE data delayed by at least 15 minutes morningstar logo