Klokke lui na meisie (7) se laaste behandeling

=Anske le Roux (7) het verlede week, na 26 maande, haar laaste kankerbehandeling gehad. Dit is gevier met onder andere die gebruik om ’n klokkie te lui. Al verskil is dat Anske ook die skoolklok en kerkklok gelui het. Hier is sy saam met haar familie (van links) JG le Roux, Jan-Botha, Anske en Denise.                                       Foto:VERSKAF
=Anske le Roux (7) het verlede week, na 26 maande, haar laaste kankerbehandeling gehad. Dit is gevier met onder andere die gebruik om ’n klokkie te lui. Al verskil is dat Anske ook die skoolklok en kerkklok gelui het. Hier is sy saam met haar familie (van links) JG le Roux, Jan-Botha, Anske en Denise. Foto:VERSKAF

TWEE jaar en twee maande gelede is die Le Roux-gesin van Uitenhage se lewe totaal omgekeer toe hul dogter Anske (7) met akute limfoblastiese leukemie gediagnoseer is.

Nou, 26 maande later, het Anske haar laaste kankerbehandeling gekry en opnuut die lewe gevier. Dit is tradisie vir kankerpasiënte om na die laaste behandeling ’n klokkie te lui.

Anske het nie teruggehou nie. Sy het laat waai met die klokke ... by die skool het sy die klok gelui en ook by die kerk. Soveel so dat inwoners van oral oor Uitenhage verlede Sondag kon hoor dié kerkklokke lui uitsonderlik jubelend.

Anske se ma, Denise le Roux het gesê verlede week was ‘n besonderse emosionele week vir haar en haar man JG.

“Vir my is dit moeilik, ek moet nou weer leer om te ontspan, om nie vir alles te keer nie, om nie ‘n oorbeskermende moederhen te wees nie. Ek moet leer om weer asem te haal en my eie mens te wees. My kind is gesond en sy leef!

“Woorde wat ons gedra en wat ons ontvang het is: Geloof, Hoop, Liefde, Dankbaarheid en Gebed.”

Denise sê Anske het die einde van haar behandeling maklik gevat, “want vir haar is dit fun, geen meer pille of medisyne nie.”

Anske is die dag voor haar 5de verjaardag met leukemie gediagnoseer. Sy is kort daarna per spesiale vliegtuig na die Rooi Kruis- hospitaal in Wynberg, Kaapstad vir haar kankerbehandeling.

Op Anske se Facebook-blad het Denise gesê dat hulle vir Anske gesê het dat hulle vir haar die grootste partytjie moontlik gaan hou wanneer sy klaar is met behandeling.

En so was dit ook.

Vir twee weke het Denise 1 320 kolwyntjies gebak vir dié viering van lewe!

“Dit was my manier om afskeidneem. Ek het gehuil en gelag en gedink en gebid terwyl ek hulle bak. Die eerste 100 wou ek self versier, maar het ‘n klomp vriendinne op bystand gehad wat gehelp het met die res van die versierwerk en verpakking”.

Verlede Vrydag is Anske se partytjie by Laerskool Handhaaf, Levyvale Pre-Primêr en Huppelkind gehou. Sy het ook 26 ballonne die lug ingelaat (vir die 26 maande wat sy kankerbehandeling gekry het) én sy het die skool-klok met oorgawe laat lui!

Anske het ook gaan kolwyntjies uitdeel by Ampath, waar haar bloed oor die 26 maande getrek is; ook by Dr. Jordaan se spreekkamer waar sy gediagnoseer is met leukemia.

Kolwyntjies was ook deel van verlede Sondag se kerkgebeure by NGK Uitenhage-Noord. So-ook die gelui van die kerkklokke!

“Daai mense ken van bid. Ek wens ek kon dankie sê vir elke persoon wat vir haar gebid het, maar ek hoop ek kan vir my min woorde vergoed met ‘n cupcake.

“Daar is so baie mense vir wie ek ‘n cupcake wil gee maar ek dink nie ek kan soveel bak nie! As ek iemand uitgelaat het, kom haal asseblief ‘n cupcake.

Dankie. Van ‘n onco-mamma.”

-HEILIE COMBRINCK

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
When a Covid-19 vaccine for under 16's becomes available, will you be taking your children to get it?
Please select an option Oops! Something went wrong, please try again later.
Results
Yes, immediately!
38% - 4403 votes
I'll wait to see how others respond
26% - 2969 votes
No, I don't think they need it
36% - 4194 votes
Vote
ZAR/USD
15.51
(-1.41)
ZAR/GBP
21.45
(-1.19)
ZAR/EUR
18.38
(-0.72)
ZAR/AUD
11.86
(-0.58)
ZAR/JPY
0.14
(-0.93)
Gold
1682.16
(-1.45)
Silver
25.14
(-1.04)
Platinum
1141.00
(+0.44)
Brent Crude
70.77
(0.00)
Palladium
2309.01
(-0.79)
All Share
68426.17
(+0.23)
Top 40
62910.60
(+0.19)
Financial 15
12747.28
(-0.10)
Industrial 25
87156.37
(-0.52)
Resource 10
71780.93
(+1.38)
All JSE data delayed by at least 15 minutes morningstar logo