Boere fnuik plaasaanval

‘Dit kon drie lewens gewees het.”

Só vertel Willem Cloete (28) van Middelburg in Mpumalanga nadat hy ’n plaasaanval op hom en sy swanger vrou met sy bure se hulp afgeweer het.

’n Buurman en een van die vermeende rowers is Vrydagaand in ’n skietery op die Fairview-gedeelte van die plaas Leeupoortjie gewond.

Volgens Cloete was hy en sy vrou, Elsje (28), wat 33 weke swanger is met ’n dogter, net voor 22:00 in die bed toe hul boerboelkruising ongewone tjank- en blafgeluide gemaak het. Honde by nog ’n huis op die plaas het ook geblaf.

Cloete het ’n skaduwee op die werf gesien beweeg.

“Ek het na ’n ander vertrek beweeg en rook geruik van ’n vuurtjie wat hulle naby die hoek van die huis gemaak het. Ek het my vuurwapen reg gehou en die buurman op my selfoon laat weet hulle moet kom.”

Die groep aanvallers het vermoedelik in verskillende rigtings beweeg toe hulle Hansie van Rensburg (28) en sy pa, Johan (57), se bakkie hoor aankom.

Volgens Hansie het die Cloetes se veewagter gesien waarheen van die mans gehardloop het.

Hulle het glo bo-oor hoë wildheinings gespring.

“Toe ons naby hulle kom, het hulle stadiger begin loop of hulle oorgee. Ewe skielik het al drie op ons losgebrand en ons het teruggeskiet,” vertel Hansie, wat agter op die bakkie was.

“Ek het in ’n stadium agter die bakkie se wielvelling gaan sit en gesien hoe spat die grond soos hulle skiet.”

Een van die rowers is gewond, maar het glo in die sit aangehou skiet. Hy het hom later oorgegee.

Die ander het weggehardloop.

Johan is deur die bakkie se deur in die kuit gewond. Hy is eergister uit die hospitaal ontslaan.

Volgens Cloete was daar tekens dat die aanval goed beplan is. Daar was byvoorbeeld plastieksakke aan heinings en ander plekke aangebring vir “aanwysings”. Hulle het vermoedelik moetie op die erf gebrand.

Volgens Cloete het die polisie meer as ’n uur later by die plaas opgedaag. Kol. Leonard Hlathi, Mpumalanga polisiewoordvoerder, het gister gesê die 30-jarige verdagte is nog in die hospitaal.

Die beweerde gesloer sal volgens hom ondersoek word.

Mense met inligting kan lt.kol. Mokgobodi Mogajane by 082 556 5806 bel.
 
Lockdown For
DAYS
HRS
MINS
Voting Booth
A few positive Covid-19 cases have been confirmed at two SA rugby franchises.. Should teams proceed with return to training protocols?
Please select an option Oops! Something went wrong, please try again later.
Results
Yes, SA rugby is already behind the eight ball compared to New Zealand and Australia
12% - 469 votes
It’s too dangerous, the country is only now heading into the Covid-19 storm!
40% - 1564 votes
Get the ball rolling, Covid-19 is here to stay as the 'new normal'
49% - 1926 votes
Vote
ZAR/USD
16.74
(+0.22)
ZAR/GBP
21.01
(+0.44)
ZAR/EUR
19.08
(-0.02)
ZAR/AUD
11.67
(-0.03)
ZAR/JPY
0.16
(+0.39)
Gold
1809.57
(+0.41)
Silver
19.15
(+0.31)
Platinum
826.00
(-0.06)
Brent Crude
42.17
(-1.20)
Palladium
1949.00
(-0.10)
All Share
55531.05
(-1.19)
Top 40
51235.09
(-1.23)
Financial 15
10528.08
(-1.64)
Industrial 25
75515.64
(-1.81)
Resource 10
53219.66
(-0.20)
All JSE data delayed by at least 15 minutes morningstar logo