SA was reg vir nóg


Vier Suid-Afrikaanse Gripens Saterdag op die Ndola-lughawe in die noorde van Zambië. Foto: Johan Morgan

Suid-Afrika wás oorgehaal en tot die tande gewapen vir ’n tweede ingryping in die Sentraal-Afrikaanse Republiek (SAR), al het die weermag dit tot nou toe ontken.

Foto’s van die lugmag se Gripen-vegvliegtuie ten volle bewapen met missiele in die noorde van Zambië is ’n onteenseglike bewys daarvan dat Suid-Afrika ook in die toekoms waar die situasie dit verg met ’n swaar militêre vuis sal inklim.

Die vier Gripens is Saterdag op die Ndola-lughawe in die noorde van Zambië opgemerk toe dit uit die Demokratiese Republiek van die Kongo (DRK) na die Makhado-lugmagbasis in Limpopo op pad was nadat die Ekonomiese Gemeenskap van Sentraal-Afrikaanse State (Eccas) verlede week aangedui het dat hy die krisis in die SAR sonder Suid-Afrika verder sal hanteer.

Daar is vroeër gemeen dat die Gripens hoogstens in ’n verkenningsrol aangewend kan word.

Brig.genl. Xolani Mabanga, woordvoerder van die weermag, het gister weer beklemtoon dat bewerings oor ’n Suid-Afrikaanse magsopbou in Afrika blote bespiegeling is. “Ons sal inligting bekend maak wanneer ons dit as veilig beskou.”

Johan Morgan, ’n Suid-Afrikaner wat in Zambië werk, was Saterdag verstom terwyl hy op die Ndola-lughawe op sy vlug gewag het en vier Gripen-vegvliegtuie kom land het.

Kort daarna het ’n Suid-Afrikaanse Hercules C-130-vragvliegtuig met die Gripens se grondbemanning ook daar geland.

Morgan se foto’s wys die Gripens was met IRIS-lug-tot-lug-missiele en langafstandbrandstoftenks toegerus.

Volgens Beeld se inligting is ’n voorraad bomme in ’n C-130 saamgestuur.

Die Gripens het Saterdag omstreeks 17:00 op die Makhado-lughawe geland.

Swaar Iljoesjin 76- en Antonof 124-vragvliegtuie land en styg sedert twee weke gelede steeds van die Waterkloof-lugmagbasis af op, wat volgens ingeligtes daarop dui dat verdere militêre hardeware nou na die DRK geneem word, terwyl die toerusting bedoel vir die SAR teruggebring word. Van dié toerusting gaan blykbaar by Entebbe in Uganda geberg word vir moontlike toekomstige noodgevalle. Sowat 30 vlugte met toerusting is die afgelope twee weke na Entebbe en Gemena in die DRK.

Volgens die weermag gaan die multinasionale ingrypingsmag teen die M23-rebelle in die DRK egter waarskynlik eers teen Julie begin funksioneer. Suid-Afrika gaan deel wees van dié mag. Die Gripens sal heel moontlik ook in die DRK gebruik word.

Mabanga het gesê die Verenigde Nasies (VN) het pas die groen lig vir die ingrypingsmag in die DRK gegee. Die VN oorweeg tans die samestelling van die mag, wat heel moontlik ’n beduidende aantal Suid-Afrikaanse soldate sal bevat.

Verskeie lande, waaronder Tanzanië, Zimbabwe en Mosambiek, het aangedui dat hulle sal troepe bydra.

Van die Suid-Afrikaanse elemente van die huidige VN-stabiliseringsmag (Monusco) kan dalk by die ingrypingsmag gevoeg word.

Die VN het aanvalshelikopters ingesluit by sy behoeftestelling vir die mag en dís vermoedelik waar twee Rooivalke aangewend gaan word.

Dié is die afgelope twee weke een op ’n slag agterin ’n Iljoesjin na die DRK geneem. Twee Oryx-helikopters is ook reeds in dié land.

Helmoed-Römer Heitman, militêre kenner, meen die weermag sal nie verder in die SAR betrokke wees nie en hom eerder by die DRK bepaal waar hy al sowat tien jaar vredesoldate het.

  Kliek op die grafika vir 'n groter weergawe


Zuma ontplooi nog 220
Kaapstad. – Pres. Jacob Zuma het die ontplooiing van 220 Suid-Afrikaanse soldate in die Indiese Oseaan goedgekeur.

Die ontplooiing sal vir die 12 maande tussen 1 April 2013 en 31 Maart 2014 geld.

Dit is ’n verlenging van ’n bestaande ontplooiing langs die kus van Mosambiek en Tanzanië.

“Die totale koste van die ontplooiing oor die tydperk sal R188,7 miljoen wees,” het Zuma op 28 Maart in ’n brief aan die speaker van die Nasionale Vergadering geskryf.

Zuma het gesê die ontplooiing is ingevolge Suid-Afrika se internasionale verpligtinge teenoor die Suider-Afrikaanse Ontwikkelingsgemeenskap (SAOG).

Die Suid-Afrikaanse Nasionale Weermag is in die gebied ontplooi om seerowery langs die Suider-Afrikaanse kuslyn en die Indiese Oseaan te bekamp, het Zuma gesê.

James-Brent Styan
We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
After the opening weekend of URC action, what did you make of the South African struggles?
Please select an option Oops! Something went wrong, please try again later.
Results
It exposed the quality of South African rugby...
40% - 511 votes
There were positives to take
7% - 91 votes
We shouldn't read too much into one weekend
17% - 215 votes
It will take the SA sides time to adjust to the new competition
35% - 448 votes
Vote
Rand - Dollar
14.96
-0.0%
Rand - Pound
20.50
-0.3%
Rand - Euro
17.50
+0.2%
Rand - Aus dollar
10.90
-0.5%
Rand - Yen
0.13
+0.2%
Gold
1,750.46
0.0%
Silver
22.62
+0.8%
Palladium
1,970.64
-0.2%
Platinum
983.87
-0.3%
Brent Crude
78.09
+1.1%
Top 40
57,784
+0.3%
All Share
64,197
+0.2%
Resource 10
57,744
+0.9%
Industrial 25
82,891
+0.0%
Financial 15
14,246
-0.5%
All JSE data delayed by at least 15 minutes Iress logo
Editorial feedback and complaints

Contact the public editor with feedback for our journalists, complaints, queries or suggestions about articles on News24.

LEARN MORE