City Vision

Akalali umzali kukulahlekelwa ngumntwana

accreditation
0:00
play article
Subscribers can listen to this article
UlahlekileElona
UlahlekileElona

“Akulaleki. Kona ukutya akusenayo nencasa.”

Lawo ngamazwi omzali odandathekileyo, emva kokulahleka komntwana wakhe oyintombi ukusukela kwinyanga ephelileyo.

U-Lindiwe Macingwane, waseMau-Mau, eNyanga, uthi akasalali buthongo behlayo kulandela ukuduka kwentombi yakhe u-Elona Sombo (onama 20) eminyaka. Ngokwengxelo, le ntwazana yanyamalala ngomhla wesibini kwinyanga yoMnga.

U-Macingwane uhambise wathi intombi eza emva ko-Elona yagqibela ukuncokola naye ngomhla wesihlanu kweyoMga kwikhasi lezonxibelelwano uFacebook.

Logama into ekumila kunje ingaqali ukwenzeka, uMacingwane uthe sele lilide ithuba ingabonakali intombi yakhe, nto leyo ibangela inkxalabo.

“Ndathi ndakuba nexhala lokungabuyi kwakhe emva kwentsuku ezimbini, ndacela loo uza emva kwakhe amkhangele ukuba uphi na. Wathi xa bencokola kuFacebook wamxelela ukwiGuest House usalinde imoto yokumgodusa, kwabe kukumgqibela kwethu oko,” utshilo uMacingwane.

Umama ka-Elona uthi intombi yakhe ibimane iyenza lento yokuduka iintsukwana iphinde ibuye, kodwa ibibaxelela ukuba isahleli kakuhle apho ikhoyo.

“Ndingumntu ebemane emjonga nakuWhatsApp wakhe aphendule, kodwa kwesi isihlandlo ndithe ndakujonga ndabona umyalezo wam awuphumeli. Andiziva kakuhle oko, kwaye ingathi ikhona into emehlelyo noba yintoni na, akufani namanye amaxesha aqhele ukuduka ngawo,” utshilo.

U-Macingwane uqhube wathi intombi yakhe yalahleka into eyileyo kwiiveki ezintandathu kwilixa elidlulileyo, kodwa yaphinda yafumaneka nalapho yathi ibisezitshomini.

Uthi ngeloxesha yayineminyaka elishumi elinesithandathu (16), kodwa zange ibe iphinde ilahleke ithuba elide kangako.

“Ndiyahlala naye phantsi ndincokole, ndide ndithi xa ehambile ezazi akazokubuya makatsho kuthi siyazi lonto. Into yakhe yokuduka isishiya sisexhaleni ngeyona ndlela ngoba zininzi izinto ezenzeka kubantwana abangamantombi, kwaye ilizwe libi ngoku,” utshilo intliziyo isukile esihlalweni.

Ukwathe xa bezama ukutsalela umnxeba wakhe wasesinqeni awuphumeli, kwaye sebehambe indawo ezininzi belandela umkhondo wabantu abathi bebembonile babuye nelize.

“Kungoku nje andiyazi neyokuqala neyokugqibela. Andifuni kubizwa kuthiwa mandiyofanisa umntwana wam, kwaye ndinqwenela atshitshe ezindlela zakhe ngoba andiyazi eyona ngxaki yakhe yintoni na,” waleke ngelo uMacingwane.

Abafana abatsha bale ngingqi nabo baphume iphulo bekhangelana no-Elona, sebeye eKhayelitsha kwakunye naseGugulethu belandela umkhondo womnxeba wakhe kodwa abakabuyi nanto ibambekayo uzokuthi-ga kwesi sigaba.

Livuliwe ityala lokuhlaleka kuka-Elona kwisikhululo samapolisa eNyanga.

Lowo unolwazi uyabongozwa aqhangamishelane noMcuphi uKhonstable Mqhwayi ku 073 734 2611 okanye uKolonel Fadane ku 082 469 7390 okanye umama wakhe ku 076 771 6563.

We live in a world where facts and fiction get blurred
In times of uncertainty you need journalism you can trust. For 14 free days, you can have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today. Thereafter you will be billed R75 per month. You can cancel anytime and if you cancel within 14 days you won't be billed. 
Subscribe to News24
Voting Booth
What are your thoughts on the possibility of having permanent Stage 2 or 3 load shedding?
Please select an option Oops! Something went wrong, please try again later.
Results
I'll take that over constant schedule changes
13% - 554 votes
Why are we normalising Eskom’s mess?
72% - 3094 votes
I've already found alternative ways of powering my home/business
15% - 624 votes
Vote
Rand - Dollar
17.20
-0.1%
Rand - Pound
21.30
+0.1%
Rand - Euro
18.70
-0.1%
Rand - Aus dollar
12.30
-0.7%
Rand - Yen
0.13
-0.0%
Platinum
1,012.08
+0.8%
Palladium
1,618.86
-2.9%
Gold
1,928.39
0.0%
Silver
23.60
0.0%
Brent Crude
86.66
-0.9%
Top 40
74,766
+0.4%
All Share
80,791
+0.4%
Resource 10
77,871
-0.4%
Industrial 25
103,872
+0.7%
Financial 15
16,281
+0.6%
All JSE data delayed by at least 15 minutes Iress logo
Editorial feedback and complaints

Contact the public editor with feedback for our journalists, complaints, queries or suggestions about articles on News24.

LEARN MORE