Paarl Post

Net dié matrikulante se uitslae gepubliseer

accreditation
0:00
play article
Subscribers can listen to this article
Slegs matrieks wat skriftelik toestemming gegee het dat hul uitslae gepubliseer mag word se uitslae sal volgende jaar op openbare platforms beskikbaar wees.Foto:
Slegs matrieks wat skriftelik toestemming gegee het dat hul uitslae gepubliseer mag word se uitslae sal volgende jaar op openbare platforms beskikbaar wees.Foto:

Net matrieks wat skriftelik toestemming gegee het dat hul uitslae gepubliseer mag word se uitslae sal op openbare platforms soos koerante en aanlyn beskikbaar wees.

Elijah Mhlanga, nasionale woordvoerder van die departement van basiese onderwys, het vandeesweek gesê die departement verwerk die toestemmingsvorms wat tydens die eindeksamen onder 2022-matrieks versprei is.

“Die vorms is onder soveel moontlik matrieks versprei, maar elke matrikulant het nie noodwendig een ontvang nie.”

Mhlanga het gesê slegs matrieks wat vorms ingevul en toestemming gegee het se eksamennommers met hul uitslae sal op openbare platforms beskikbaar wees. Geen name sal egter gepubliseer word nie.

Die departement het betreklik min tyd gehad om die vorms te versprei nadat die Inligtingsreguleerder van Suid-Afrika vroeër vanjaar bevind het die vorm wat die onderwysdepartement eers onder sowat 900 000 matrikulante versprei het, nie voldoen aan al die vereistes van die Wet op die Beskerming van Persoonlike Inligting (Popia) nie. Die vorm is onttrek en tydens die matrieks se finale eksamen heruitgereik en onder leerlinge versprei.

Die reguleerder het in November in ’n verklaring gesê hy het vroeg vanjaar met die departement vergader ná verlede jaar se onsekerheid, verwarring en teenstrydige “sentiment” oor die interpretasie van die Popi-wet rakende die bekendmaking van die matriekuitslae. Die kernkwessies was die matrieks se reg op privaatheid teenoor die openbare belang daarvan om die uitslae te publiseer.

Die reguleerder het met die departement ooreengekom dat die departement die bevoegdheid het om self te besluit oor die publikasie van die uitslae, maar dat die reguleerder die besluit ingevolge die Popi-vereistes sal beoordeel.

Die wet vereis persoonlike inligting mag slegs op ’n billike en wettige manier verwerk word en slegs met die toestemming van die tersaaklike persoon, of in die geval van kinders ’n bevoegde persoon.

Die reguleerder het bevind die aanvanklike toestemmingsvorm het nie daarvoor voorsiening gemaak dat die matrikulante (of bevoegde persoon) kon toestem of weier in elke opsig waarin persoonlike inligting verwerk word nie.

Daar is ook nie voorsiening gemaak dat toestemming teruggetrek kan word nie. Die reguleerder het toe opdrag gegee dat die vorm onttrek word. Daarna is die vorm aangepas sodat die matrieks of bevoegdes duidelik kon aandui waarvoor hulle toestemming gee, en ook die toestemming kon terugtrek.

* Angie Motshekga, minister van basiese onderwys, sal die oorhoofse nasionale matriekuitslae en nasionale toppresteerders op 19 Januarie aankondig.

We live in a world where facts and fiction get blurred
In times of uncertainty you need journalism you can trust. For 14 free days, you can have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today. Thereafter you will be billed R75 per month. You can cancel anytime and if you cancel within 14 days you won't be billed. 
Subscribe to News24
Voting Booth
What are your thoughts on the possibility of having permanent Stage 2 or 3 load shedding?
Please select an option Oops! Something went wrong, please try again later.
Results
I'll take that over constant schedule changes
13% - 553 votes
Why are we normalising Eskom’s mess?
72% - 3085 votes
I've already found alternative ways of powering my home/business
15% - 621 votes
Vote
Rand - Dollar
17.20
-0.1%
Rand - Pound
21.30
+0.1%
Rand - Euro
18.70
-0.1%
Rand - Aus dollar
12.30
-0.7%
Rand - Yen
0.13
-0.0%
Platinum
1,012.08
+0.8%
Palladium
1,618.86
-2.9%
Gold
1,928.39
0.0%
Silver
23.60
0.0%
Brent Crude
86.66
-0.9%
Top 40
74,766
+0.4%
All Share
80,791
+0.4%
Resource 10
77,871
-0.4%
Industrial 25
103,872
+0.7%
Financial 15
16,281
+0.6%
All JSE data delayed by at least 15 minutes Iress logo
Editorial feedback and complaints

Contact the public editor with feedback for our journalists, complaints, queries or suggestions about articles on News24.

LEARN MORE