Mynwese moet nou álle wette nakom

KAAPSTAD. – “Dié uitspraak is die begin van die einde van die spesiale behandeling wat die mynbedryf dekades lank ontvang het.”

Dít was gister die reaksie van die Sentrum vir Omgewingsregte op die konstitusionele hof se uitspraak dat niemand mag myn as ál die wette nie nagekom word nie.

’n Mynlisensie van die nasionale minister van minerale bronne is dus nie genoeg nie – provinsiale en plaaslike owerhede móét die korrekte sonering doen en die omgewingsimpakstudies moet ook in orde wees.

Die keerpunt was twee sake wat uiteindelik in die konstitusionele hof gaan draai het: een was vir die myn van sand naby Mitchells Plain en die ander vir die myn van graniet in die Malmesbury-omgewing. Die grond is in albei gevalle nie deur die plaaslike owerhede vir mynbedrywighede gesoneer nie.

“Daar mag nie gemyn word indien sonering nie plaasvind nie. Baie min myne werk binne die regte sonering,” het me. Melissa Fourie, hoof van die sentrum, gesê.

“Maar van groot belang is dat die Wet op die Ontwikkeling van Minerale en Petroleum-hulpbronne nie provinsiale wetgewing troef nie. Vir te lank het die mynbedryf gefunksioneer onder die indruk dat myn-goedkeuring swaarder geweeg het as enige ander wetsvereistes,” het die sentrum in ’n verklaring gesê.

Dr. Deon Nel van die Wêreldnatuurfonds in Suid-Afrika het ook die uitspraak verwelkom en gesê die mynbedryf kan nie uitgesonder word nie wanneer alle ander ekonomiese bedrywighede onderworpe is aan behoorlike prosedures, beplanning en omge­wings­­bestuur .

Mnr. Anton Bredell, Wes-Kaapse minister van plaaslike regering, omgewingsake en ontwikkelingsbeplanning, het by navraag gesê: “Die Wes-Kaap is ’n biodiversiteit-sensitiewe landskap binne ’n konteks van ekonomiese groeimoontlikhede. Die uitspraak plaas klem op die belangrikheid daarvan dat alle sfere van die regering moet saamwerk.”

Dit vereis ’n gedissiplineerde benadering tot die natuurlike omgewing en die skepping van ekonomiese geleenthede, het hy gesê.

We live in a world where facts and fiction get blurred
In times of uncertainty you need journalism you can trust. For 14 free days, you can have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today. Thereafter you will be billed R75 per month. You can cancel anytime and if you cancel within 14 days you won't be billed. 
Subscribe to News24
Voting Booth
Are you going to keep wearing a mask following the announcement that it is no longer required under law?
Please select an option Oops! Something went wrong, please try again later.
Results
No ways, I'm done
5% - 5489 votes
Yes, I still want to be cautious
91% - 107155 votes
Only certain circumstances
4% - 4882 votes
Vote
Rand - Dollar
16.29
-0.4%
Rand - Pound
19.75
-0.4%
Rand - Euro
16.96
-0.1%
Rand - Aus dollar
11.20
-0.3%
Rand - Yen
0.12
-0.6%
Gold
1,810.33
-0.4%
Silver
20.55
-0.9%
Palladium
1,948.15
-0.8%
Platinum
907.59
-1.1%
Brent Crude
116.26
-1.5%
Top 40
60,393
-1.9%
All Share
66,553
-1.8%
Resource 10
64,554
-1.8%
Industrial 25
79,235
-1.6%
Financial 15
14,827
-2.2%
All JSE data delayed by at least 15 minutes Iress logo
Editorial feedback and complaints

Contact the public editor with feedback for our journalists, complaints, queries or suggestions about articles on News24.

LEARN MORE