Okkulte groep wou glo kerke opblaas

Polokwane – Die beweerde regse groep waarvan drie lede gister in Limpopo in hegtenis geneem is, was glo van plan om die NG en Hervormde kerke in Mookgophong (Naboomspruit) en Mokopane (Potgietersrus) op Sondae op te blaas – terwyl eredienste daar aan die gang was.

Só het een van die aangekeerdes, ’n 30-jarige man, glo aan die polisie gesê. Dit is nie bekend vir wanneer die aanvalle beplan is nie.

’n Oud-Koevoetlid is een van die drie mans wat gister by dié opleidingskamp vir veiligheidswagte buite Mookgophong in hegtenis geneem is. Dit nadat hulle in ’n onderlinge twis glo tente van die rekrute aan die brand gesteek het.

Die mans is glo lede van ’n okkulte groep.

Pamflette met pentagramme en die naam “Lucifer” is by die mans gekry. Daar was ook inligting oor satanistiese rituele op die pamflette.

Daar is gister ook op kameras en selfone beslag gelê, waarop foto’s van verskillende kerke in Mokopane en Mookgophong is.

Die polisie het beslag gelê op verskeie tuisgemaakte wapens, waaronder swaarde, knuppels met ysterpunte, valhelms en koeëlvaste baadjies. Daar is ook plofstof, ontstekers en kamoefleerdrag gekry. Daar is by die kamp ook instruksies gekry hoe om bomme te maak.

Brig. Hangwani Mulaudzi, die polisie se kommunikasiehoof in Limpopo wat díé inligting gister bekend gemaak het, sê die ondersoek na regse opleidingskampe is nou landwyd uitgebrei. “Ons vermoed hulle wou verskeie terreurdade pleeg. Die polisie se misdaadintelligensie-eenheid gaan lede van die groep in ander dele van die land ook ondervra,” het hy gesê.

Hy wou nie uitwei oor waar in die land die mense ondervra sal word nie.

Mulaudzi sê een van die mans het tydens ondervraging gesê hulle glo “slegs wit mense moet in Suid-Afrika bly”.

Een van die doelwitte van die opleidingskamp is ook om beskerming aan wit boere op plase te gee teen moontlike aanvalle.

Die ander twee mans wat aangekeer is, is onderskeidelik 50 en 48 jaar oud. Die 50-jarige is ’n oudlid van Koevoet, die destydse polisie se teeninsurgensie-eenheid.

Die plaas in die Boekenhout-gebied buite Mookgophong behoort aan ’n man van Springs, wat volgens Mulaudzi ook ondervra gaan word. Die opleidingskamp is sowat agt maande gelede begin.

Mans word glo hier opgelei voordat hulle na plase reg oor die land ontplooi word om as veiligheidswagte te werk. Hulle word spesifiek in “plaasbeveiliging” opgelei.

Die mense wat opgelei word, woon in tente en woonwaens terwyl verblyfgeriewe gebou word. Mense van so ver as Springs aan die Oos-Rand en Rustenburg in Noordwes het die kampe bygewoon.

Mulaudzi het gesê die drie mans wat in hegtenis geneem is, is Saterdag by die opleidingskamp “weggejaag”. Dit is nie bekend hoekom nie. Hulle het gister in die vroeë oggendure by die kamp opgedaag. Die mans was glo dronk. Hulle het baklei met die sewe mans wat tans daar bly. In die bakleiery het hulle twee van die tente aan die brand gesteek. Van die mense het die polisie gebel. Niemand is in die brand beseer nie.

Mulaudzi het gesê die ander mense wat by die kamp gekry is, word deur die polisie ondervra. Teen druktyd is niemand van hulle in hegtenis geneem weens enige misdryf nie.

Teen druktyd was dit ook nog nie bekend wat die groep se naam is nie. Daar was verlede week ’n voorstellingsparade by die sentrum.

Die drie mans is in polisie-aanhouding. Hulle sal Maandag in die landdroshof in Mookgophong op voorlopige aanklagte van brandstigting en die besit van gevaarlike wapens verskyn. Die polisie verwag om nog mense in hegtenis te neem.

– Volg Nuus24 op Twitter.
We live in a world where facts and fiction get blurred
In times of uncertainty you need journalism you can trust. For 14 free days, you can have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today. Thereafter you will be billed R75 per month. You can cancel anytime and if you cancel within 14 days you won't be billed. 
Subscribe to News24
Voting Booth
What are your thoughts on the possibility of having permanent Stage 2 or 3 load shedding?
Please select an option Oops! Something went wrong, please try again later.
Results
I'll take that over constant schedule changes
13% - 1145 votes
Why are we normalising Eskom’s mess?
72% - 6421 votes
I've already found alternative ways of powering my home/business
15% - 1348 votes
Vote
Rand - Dollar
17.17
+1.3%
Rand - Pound
21.14
+1.4%
Rand - Euro
18.75
+0.9%
Rand - Aus dollar
12.14
+1.1%
Rand - Yen
0.13
+0.7%
Platinum
1,000.23
-1.2%
Palladium
1,649.92
+0.1%
Gold
1,931.59
+0.2%
Silver
23.64
-0.4%
Brent Crude
85.46
+1.1%
Top 40
73,723
+0.4%
All Share
79,817
+0.4%
Resource 10
75,130
-0.9%
Industrial 25
102,508
+0.2%
Financial 15
16,555
+2.5%
All JSE data delayed by at least 15 minutes Iress logo
Editorial feedback and complaints

Contact the public editor with feedback for our journalists, complaints, queries or suggestions about articles on News24.

LEARN MORE