Parow ‘cooler’ as Kurt

JOHANNESBURG. – “Ek sal nooit dat my eie kinders na my musiek luister nie.”

So sê die Afrikaanse zef-rapper Jack Parow, wat nou beplan om ’n vloeklose weergawe van sy CD uit te bring “sodat die kinders ook daarna kan luister”.

Parow, oftewel Zander Tyler (28) as hy by die huis is, meen daar’s baie anties wat kla hul kinders hou ook van sy musiek, maar mag weens sy gevloek nie daarna luister nie.

“Ek neem hulle nie kwalik nie. Ek sal ook nie dat my eie kinders na my musiek luister nie. Daar’s baie aanvraag, daarom wil ek ’n skoon weergawe van my CD uitbring waar die vloekwoorde uitgehaal word, soos die radiostasies dit doen, dalk ’n biep of so iets insit – die enigste f***p is dat byna die hele liedjie sal biep.”

Vir hom gaan dit nie daarom om met ’n gesuiwerde weergawe ’n groter mark vir verkope te bereik nie, maar “om my musiek vir mense van alle ouderdomme wat dit woes laaik toeganklik te maak”.

Intussen word hy so woes gelaaik op Facebook dat sy kubergewildheid bo dié van selfs die sangsensasies Kurt Darren en Steve Hofmeyr styg. Parow het meer as 78 500 Facebook-aanhangers terwyl Hofmeyr sowat 61 000 en Darren sowat 45 000 het.

“Uiteindelik!” het Parow verheug uitgeroep oor die nuus dat hy gewilder as Darren op Facebook is. “Dít was my enigste droom: om Kurt Darren op Facebook te klop. Dít en om op die voorblad van Huisgenootte wees. Ek’s nou klaar met rapping, my ou, nou kan ek aftree!”

Darren se jongste album het wel al dubbelplatinumstatus (meer as 80 000 eenhede verkoop) en Hofmeyr s’n platinumstatus bereik.

Van Parow, met sy kenmerkende oordadig-verlengde keps, se eerste vollengte-album (Jack Parow) is meer as 35 000 eenhede al verkoop.

Hy het pas teruggekeer van Europa waar sy optredes in België en Nederland uitverkoop was. “Dit was amazingoorsee. By die een vertoning het daar duisende mense buite die saal gesit en luister omdat dit uitverkoop was.” Hy is nommer 4 op M-TV se Top- 10 gewildste sangers in albei dié lande. “Hulle (oorsese aanhangers) hou die meeste van “Cooler as ekke” en “Dans Dans Dans”.

Meer as 1,2 miljoen mense het reeds na die musiekvideo van die treffer “Cooler as ekke” op die sosiale videonetwerk YouTube gekyk.

We live in a world where facts and fiction get blurred
In times of uncertainty you need journalism you can trust. For 14 free days, you can have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today. Thereafter you will be billed R75 per month. You can cancel anytime and if you cancel within 14 days you won't be billed. 
Subscribe to News24
Rand - Dollar
15.64
+0.5%
Rand - Pound
19.74
+0.4%
Rand - Euro
16.77
+0.6%
Rand - Aus dollar
11.18
-0.2%
Rand - Yen
0.12
+0.5%
Gold
1,852.56
+0.1%
Silver
22.07
+0.2%
Palladium
2,065.50
+2.2%
Platinum
955.00
+0.5%
Brent-ruolie
117.40
+2.9%
Top 40
63,883
+1.4%
All Share
70,486
+1.4%
Resource 10
76,948
+0.6%
Industrial 25
76,115
+1.3%
Financial 15
16,257
+2.6%
All JSE data delayed by at least 15 minutes Iress logo
Editorial feedback and complaints

Contact the public editor with feedback for our journalists, complaints, queries or suggestions about articles on News24.

LEARN MORE