Rowers skop, slaan vrou (62) van Bfn

’n HUISHULP en tuinwerker wat alarm gemaak het, was gisteroggend die redding van ’n vrou en twee huishulpe wat in ’n huis in Fichardtpark, Bloemfontein, deur gewapende rowers oorval is.

Drie gewapende rowers het omstreeks 09:00 in die huis van Jerry en Yvonne Rossouw in Peter Connanstraat ingestorm.

Yvonne (62) was alleen tuis saam met hul twee huishulpe, Dalena Moerane (50) en Dinkie Tukola (42).

’n Pistool is in die kombuis teen Dalena se kop gedruk en die rowers wou weet waar die huismense is.

Sy het gesê sy weet nie.

Dalena en Dinkie is albei deur die rowers met die dood gedreig en in die badkamer toegesluit.

Daarna is Yvonne deur die rowers, wat geld geëis het, in ’n slaapkamer oorval, geskop en met die vuiste geslaan.

Terwyl dit aan die gang was, het Andries Booi (51), die Rossouw-egpaar se tuinhulp, lankal reeds gehardloop om hulp te ontbied.

’n Huishulp van bure wat die rowers by die huis sien instorm het, het ook ’n paniekknoppie gedruk om die Chubb-veiligheidsmaatskappy te ontbied.

Met Samuel Mmusa, veiligheidsman van Chubb, se aankoms by die huis het die rowers uit die huis uit gestorm en het hy hulle agternagesit.

In ’n oor-en-weer-skietery in die veld naby die huis het die rowers weggekom.

Yvonne is ná die rooftog in die Life-Rosepark-hospitaal vir kneusplekke oor haar lyf behandel, sê Esmarie Cronjé, hospitaalwoordvoerder.

Kapt. Chaka Marope, polisiewoordvoerder, sê die rowers het twee selfone en die sleutels van die egpaar se Opel Astra gesteel.

Een van die rowers is as ’n oudwerknemer geïdentifiseer wat ses jaar lank vir die egpaar gewerk het.

Die rowers was gisteraand nog op vrye voet.

We live in a world where facts and fiction get blurred
In times of uncertainty you need journalism you can trust. For 14 free days, you can have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today. Thereafter you will be billed R75 per month. You can cancel anytime and if you cancel within 14 days you won't be billed. 
Subscribe to News24
Rand - Dollar
15.64
+0.5%
Rand - Pound
19.73
+0.4%
Rand - Euro
16.76
+0.6%
Rand - Aus dollar
11.18
-0.2%
Rand - Yen
0.12
+0.5%
Gold
1,853.08
+0.1%
Silver
22.06
+0.2%
Palladium
2,067.50
+2.3%
Platinum
954.50
+0.4%
Brent Crude
117.40
+2.9%
Top 40
63,883
+1.4%
All Share
70,486
+1.4%
Resource 10
76,948
+0.6%
Industrial 25
76,115
+1.3%
Financial 15
16,257
+2.6%
All JSE data delayed by at least 15 minutes Iress logo
Editorial feedback and complaints

Contact the public editor with feedback for our journalists, complaints, queries or suggestions about articles on News24.

LEARN MORE