Koor van stemme verwelkom nuwe pous

PRETORIA. – Pous Franciskus I het blykbaar vroeër afstand gedoen van sy motor om openbare vervoer te gebruik.

Dié verhaaltjie, sê aartsbiskop Stephen Brislin, president van die Suider-Afrikaanse Katolieke Biskoppekonferensie, wys dat die nuwe pous ’n mens vir die mense is.

Brislin was een van ’n koor van stemme van binne en buite die kerk wat die verkiesing van pous Franciskus gister verwelkom het.

Hy is wyd geloof as ’n eenvoudige en nederige mens met ’n hart vir die armes.

Brislin het gesê die nuwe pous ken die uitdagings van die ontwikkelende wêreld. Hy het homself tevore dikwels en dapper uitgespreek oor die groot ongelykhede in die wêreld.

“Sy dors na geregtigheid vir almal sal ’n sterk eienskap van sy termyn as pous wees.”

Biskop Kevin Dowling van Rustenburg wat baie betrokke is by die stryd teen vigs, sê sover hy weet, het die nuwe pous ook in hierdie veld gewerk.

Dit is ’n terrein waarin die Rooms-Katolieke se teenkanting van die gebruik van kondome dikwels ’n twispunt was.

Dowling sê hy hoop pous Franciskus se uitgangspunt sal die lyding van die armes en die randfigure en veral vroue wees, en nie ’n wettiese raamwerk nie.

Franciskus moet “’n gevoelvolle pous vir lydende mense” wees.

Dr. Braam Hanekom, moderator van die NG Kerk in Wes- en Suid-Kaapland, het gesê Franciskus se verkiesing “herbevestig ’n beweging na eenvoud, die helder verkondiging van die evangelie en die uitreik na armes”.

Dr. Setri Nyomi, hoofsekretaris van die Wêreldbond van Gereformeerde Kerke, het in ’n brief aan die nuwe pous gesê hy is geraak deur Franciskus se nederigheid.

Die keuse van sy naam – ’n heenwysing na Franciskus van Assisi – toon ook dat die lot van armes en geregtigheid vir almal belangrik gaan wees vir die nuwe pous.

Dr. Olav Fykse Tveit, hoofsekretaris van die Wêreldraad van Kerke, het die verkiesing bestempel as ’n draaipunt in die geskiedenis van die Rooms-Katolieke Kerk.

“Saam met dié nederige pelgrim van die kerk, wat ’n eenvoudige leefstyl gehad het en ’n passie toon vir maatskaplike geregtigheid en die opheffing van die armes, herbevestig ons ons verbintenis tot die soeke na geregtigheid en vrede,” het Tveit gesê.

Lockdown For
DAYS
HRS
MINS
Voting Booth
Do you know what your baby's name means?
Please select an option Oops! Something went wrong, please try again later.
Results
No, we just chose one we loved
43% - 677 votes
Yes, we researched the meaning carefully
42% - 668 votes
Yes, it's a traditional family name
15% - 242 votes
Vote
ZAR/USD
17.62
(-1.25)
ZAR/GBP
23.01
(-0.54)
ZAR/EUR
20.78
(-0.41)
ZAR/AUD
12.62
(-0.16)
ZAR/JPY
0.17
(-0.83)
Gold
2031.70
(-1.76)
Silver
28.22
(-5.12)
Platinum
963.00
(-3.55)
Brent Crude
45.10
(-0.18)
Palladium
2177.00
(-2.22)
All Share
56757.73
(-1.56)
Top 40
52435.65
(-1.72)
Financial 15
9897.96
(+0.10)
Industrial 25
74671.49
(-1.98)
Resource 10
58948.78
(-1.89)
All JSE data delayed by at least 15 minutes morningstar logo