Bagwetshiwe ababulala usomatekisi ngo-2012

Durban - Ligcine libalahlile icala lokubulala abasolwa ababili, uJan Dlamini, 37, noThabani Ngcobo, 30, abathi bamsulwa ecaleni abalenza ngo-2012, bagwetshwa udilikajele umuntu ngamunye.

Baphinde bagwetshwa neminyaka engu-15 ngaphezulu ngokuzama ukubulala, uNgcobo uphinde wagwetshwa neminyaka engu-7 ngokutholakala nesibhamu esingekho emthethweni.

Laba bobabili bagwetshwe ngomhlaka-28 Julayi 2017 eNkantolo eNkulu yaseMgungundlovu.

Ngo-2015 abanye abasolwa ababesebenzisana nabo; oSibusizo Zuma, 34, uMali Mazibuko, 41, noMxokozeli Mazibuko, 54, balivuma eNkantolo eNkulu yaseMgungundlovu icala lokubulala, bagwetshwa iminyaka engu-10 umuntu ngamunye. UBricks Zuma yena wagwetshwa engu-15 ngokubulala neminyaka emihlanu ngokuzama ukubulala.

NgoFebhuwari 2012, uZimele Reggie Mazibuko, 35, owayengusomatekisi odumile kwinhlangano yamatekisi iFarraday, eGauteng, wayesemzini wakhe elele nomfowabo endaweni yaseNgodini eduzane nase-Estcourt ngesikhathi ehlaselwa ngabasolwa ababehlomile, bamdubula washona kwathi umfowabo walimala.

OLUNYE UDABA: Kubulawe usomatekisi eKZN

Kwavulwa icala lokubulala nelokuzama ukubulala esiteshini samaphoyisa aseMangwe ukuze kuzophenywa.

Kulandela uphenyo kwaboshwa omunye umfowabo uMali Mazibuko owazivumela ngowakhe ukuthi wayikhipha kanjani imininingwane, etshela abanye abasolwa ababefuna ukubulala umufi. Umufi wabulawa kubangwa imizila eGauteng.

Ngokuhamba kwesikhathi, kwaboshwa abanye abasolwa, bonke  bathweswa icala lokubulala nokuzama ukubulala. Oyedwa wabo watholwa nesibhamu esingekho emthethweni ngesikhathi eboshwa, wabe esethweswa nelokutholakala nesibhamu esingekho emthethweni, lokhu kungokusho kwesitatimende samaphoyisa.

UKhomishana wamaPhoyisa aKwaZulu-Natal, uMajor General Bheki Langa, wamukele isigwebo esiqinile sabasolwa.

Uthe lokhu makube yisifundo kwezinye izigebengu ezihlasela osomatekisi kulwelwa imizila kanjalo namanye amacala.

"Angeke siphumule kuze kube wukuthi ithimba lethu elisebenza ngokuzikhandla libopha omunye umsolwa osasele, uThokozani Chonco, 41, osagcwele amathafa.

"Incwadi egunyaza ukuba aboshwe isikhishiwe kanti onolwazi ngaye uyacelwa ukuba axhumane namaphoyisa  noma isiteshi samaphoyisa sendawo. Inombolo yeCrime Stop ngu-08600 10111 nayo ingasetshenziswa ukudlulisa imininingwane," esho. 



We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
Who do you think is going to win the 2020 US election?
Please select an option Oops! Something went wrong, please try again later.
Results
Biden is going to take it
46% - 5158 votes
It's four more years for Trump
54% - 6116 votes
Vote
ZAR/USD
16.53
(-0.12)
ZAR/GBP
21.37
(+0.04)
ZAR/EUR
19.51
(-0.38)
ZAR/AUD
11.62
(+0.23)
ZAR/JPY
0.16
(+0.11)
Gold
1902.80
(+0.00)
Silver
24.51
(+4.76)
Platinum
860.00
(+0.76)
Brent Crude
42.85
(-0.67)
Palladium
2339.00
(+0.82)
All Share
55141.19
(-0.04)
Top 40
50741.17
(-0.00)
Financial 15
9953.15
(-0.25)
Industrial 25
75649.15
(+1.19)
Resource 10
53376.36
(-1.39)
All JSE data delayed by at least 15 minutes morningstar logo