Basekubhaceni abasinde kuqothwa umndeni

Durban - Ubaleke washiya kukhala ibhungezi emzini wawo umndeni wakwaNtshangase eMatini, eMamba, eShowe, enyankatho-mpumalanga neKwaZulu-Natal ngenxa yezinsolo zokuthi kuzoqedwa ngabasele kuwona emuva kokuba kuhlaselwe amalungua awo ngeSonto eledlule aqothwa ngenhlamvu.

Ulunga lomndeni, uXolisile Ntshangase, lithe kabasaphephile, yingakho bengasahlali kulo muzi. Uthi bezwile ngandlebenye ukuthi basazohlaselwa.

Kwenzeka lokhu nje, ILANGA lithole sekushone elinye ilunga lalo lomndeni, uNkanyiso Ntshangase, ebelingeniswe esibhedlela ngenxa yokudubuleka kade kuhlaselwa lo mndeni.

Amaphoyisa kuthiwa anikele eThekwini abopha omunye wesilisa ngoLwesihlanu ongowesithathu, ababili bese bevele beboshiwe ngezinsolo zokubulwa kwamalunga alo mndeni.

OLUNYE UDABA:Kuboshwe ababili abasolwa ngokubulala eKZN

Ngeledlule kuhlaselwe kwaNtshangase kwadutshulwa amalunga omndeni ayisihlanu evalelwe endlini. UGama Ntshangase noDoda Bhekumgazi Ntshangase - obekumele athathe isihlalo sobukhosi - bashonele phakathi endlini kanti uBongani Bhengu oyisihlobo sakwaNtshangase, kuvele ukuthi ushonele le ngaphandle kwendlu ezama ukubaleka.

UNjabulo noNkanyiso bakwaNtshangase, bakwazile ukudlubulundela ngesikhathi sesigameko njengoba uNkanyiso eze washona ngoLwesihlanu.

ILANGA lithole ukuthi la malunga ashonile, amabili adutshuliwe kwase kokhelwa indlu ngomlilo, ashiswa.

Kunezinsolo zombango wobukhosi bakwaNtshangase okuthiwa buphethwe yiNkosi Vela Shange.

Lobu bukhosi kuthiwa babunikwe uShange emandulo ngabozalo lwakwaNtshangase ukuba babubambe.

INkosi Shange kubikwa ukuthi ibisibudelile lobu bukhosi, isitifiketi yasinika uXolani Ntshangase nakuba ebengakagcotshwa njengoba naye bekumele asidlulisele kuDoda Ntshangase.

Phambilini ulunga lomndeni, uXolisile Ntshangase, lithe kwenzeka lokhu nje, bekuhlatshiwe kulo mndeni kunomsebenzi.

"UShange ubeseyiyona iNkosi endaweni kodwa izinto ezithinta ubukhosi ubesezidlulisele ngoba ubengenqabile nabo.

"Le nto bebeyihlele kahle ngoba baqale babhoncula amalambu akhanyisa emnyango kwase kuba mnyama emuva kokuba benze umonakalo," kusho uXolisile.

Utshele ILANGA ukuthi indlu egweve nobukhosi ngeyaKwaNjengonina kanti ubukhosi obasendlini yaseZithiya. 

Okhulumela amaphoyisa KwaZulu-Natal, uLt-Colonel Thulani Zwane, uthi icala livulwe esiteshini samaphoyisa eMbongolwane, eShowe.

"Amaphoyisa abophe omunye umsolwa wesithathu ngoLwesihlanu, oneminyaka engu-54 ubudala ovele eNkantolo yeMantshi yaseShowe namuhla (ngoMsombuluko)."

We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
When assisting your child with remote learning this year, did you:
Please select an option Oops! Something went wrong, please try again later.
Results
Follow the school's comprehensive sexuality education (CSE) curriculum?
13% - 89 votes
Adjust the CSE curriculum to suit the family's morals?
27% - 178 votes
Ignore the schools CSE programme and do your own teaching?
60% - 393 votes
Vote
ZAR/USD
15.25
(-0.09)
ZAR/GBP
20.29
(-0.13)
ZAR/EUR
18.23
(-0.10)
ZAR/AUD
11.25
(-0.23)
ZAR/JPY
0.15
(-0.04)
Gold
1787.51
(+0.09)
Silver
22.67
(+0.11)
Platinum
965.22
(+0.30)
Brent Crude
48.27
(+0.96)
Palladium
2413.01
(+0.60)
All Share
57822.50
(-0.17)
Top 40
53021.58
(-0.12)
Financial 15
11577.71
(-0.58)
Industrial 25
79894.95
(-0.12)
Resource 10
52804.55
(+0.03)
All JSE data delayed by at least 15 minutes morningstar logo