Bayakhala abalandeli baBabes Wodumo ngokunganandisi kwakhe kwiGqom in Concert

Durban - Sekucacele ngisho nengane esakhasa ukuthi angeke isabonakala emcimbini ozoba yindumezulu intandokazi yomculo wegqomu.

Lokhu kusuke ngemuva kwezinsolo ezithi ubize imali eshisiwe uBabes Wodumo ukuze anandise emcimbini obhekwe ngabomvu ozokwaziwa ngeleGqom in Concert  ozoba sePavallion Mall eThekwini ohlelwa umphathi we-Afrotainment uMthokozisi “DJ Tira” Khathi.
 
Abalandeli bale ntokazi efike ngegiya eliphezulu emculweni weGqom, baveze izikhalo zabo ekhasini likaDJ Tira ku-Facebook bathi lo mcimbi bebezowujabulela kakhulu ukuba bekuzonandisa uBabes.

OLUNYE UDABA:Nayi imali uBabes Wodumo ayibizayo ukuze akushayele zonke izingoma zakhe

UZodwa Wabantu, ophatheke kabi ngenxa yokuthi uzobe engayona ingxenye yalo mcimbi, uthe abantu abaziphathe kahle emcimbini futhi uzoba ekhona ngokomoya njengoba ezobe enandisa eMelika.
 
"Ngiyaweseka kakhulu lo mcimbi, abantu abaziphathe kahle, mina ngizobe nginandisa phesheya kwezilwandle izinsuku ezimbili. Yiyona mbangela yokuthi ngingabi yingxenye yomcimbi," kusho uZodwa Wabantu .
 
Lo mcimbi uzobanjelwa enxanxatheleni yezitolo i-Pavallion eWestville, eThekwini, ngoMgqibelo.

Abaculi okulindeleke ukuba banandise, kubalwa uKwesta, iDistruction Boyz, uTipcee, uDladla Mshunqisi, uDJ Boonu kanye nabanye.

Amathikithi atholakala eComputicket ngo-R200 kuthi awezicukuthwane abe ngu-R450.

 - Instagram:

Siyahamba manje.... 5 Days to Go!!! #GqomInConcert ngiyazisa! Tickets are at Computicket R200 General and R450 VIP.

A post shared by djtira (@djtira) on Apr 16, 2018 at 4:30am PDT

Me: Hey can you come perform on this event Gqom in Concert These gents: Ma man lets rock!!! Me: Its the first event budget is kinda tight though. These gents: F$&k your budget see you there Down since Day 1 thank you so much GOD BLESS YOU.

A post shared by djtira (@djtira) on Apr 12, 2018 at 2:05am PDT