14 Mar 2018

I-DA ikhathazekile ngeziguli zaseLife Esidimeni ezingakatholakali

Johannesburg - IDemocratic Alliance (DA) isizwakalise ukukhathazeka ngokuhamba kancane kwemizamo yokuthola iziguli ezingu-44 ezingakatholakali zaseLife Esidimeni.

OwezeMpilo kwi-DA uJack Bloom uthi lowo owayengungqongqoshe wezempilo eGauteng uGwen Ramakgopa wavuma ukuthi kuneziguli ezingu-44 ezingakatholakali.

“Ngokusho kukaRamokgopa, iziguli ezingu-30 kwakumele ziyiswe ezikhungweni zezinhlangano ezizimele, eziyisithupha emindenini yazo, ezinhlanu eCullinan Care Centre, esisodwa eWeskoppies Hospital kanti akwaziwa ukuthi ezinye ezimbili kwakumele ziyiswe kuphi,” kusho uBloom esitatimendeni.

OLUNYE UDABA: Zimkhalele umfundi ogwaze omunye esikoleni

“Amagama eziguli ezintathu awaziwa kanti awezinye ezine awaphelele.”

UBloom uthi uRamokgopa wenqaba ukuphendula umbono wabo wokuthi kumele kukhishwe izithombe zabadukile ukuze bezotholakala.

UBloom unokwesabela ukuthi ayakhula amathuba okuba lezi ziguli zingabe zisatholakala.

We live in a world where facts and fiction get blurred

In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.

Subscribe to News24