Johannesburg - Owesifazane obesendleleni eya emtholampilo uhudulelwe emjondolo oseduzane ngowayeyisoka lakhe wamdlwengula.
Le ndoda eneminyaka engu-33 ubudala igwetshwe iminyaka engu-18 ebhadle ejele eNkantolo yesiFunda eRouxville ngokushayam ukuthumba nokudlwengula owayeyintombi, 29, kusho amaphoyisa aseFree State ngoMsombuluko.
OLUNYE UDABA: Kugwetshwe 4 ngokutholakala namathambo e-albino
Okhulumela amaphoyisa uSergeant Yanga Ngcukana uthe uZenzele Qithi ugwetshwe ngomhlaka-25 Agasti ngecala lokudlwengula langoJanuwari 2016.
UNgcukana uthe lo wesifazane wayelibangise emtholampilo ngesikhathi uQithi emthatha ngenkanni emdonsa eyomfaka emjondolo osedize wamdlwengulela kuwo.
Owamaphoyisa aseZastron uLieutenant-Colonel Disebo Tshabalala uthe isigwebo sifike kahle ngesikhathi besafundisa umphakathi, ikakhulukazi abesifazane ngamacala odlame lwaksekhaya nokuhlukunyezwa njalo ngophathina babo, kubika iThe Citizen.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
