Johannesburg - INational Union of Metalworkers of South Africa (Numsa) iyaseseka ngokugcwele isiteleka samalungu eCeppwawu (Chemical, Energy, Paper, Printing, Wood and Allied Workers' Union) embonini kaphethiloli sokwenyuselwa amaholo.
INumsa ngoLwesithathu ithe iyayigxeka imizamo yomqashi yokusebenzisa ukungaboni ngaso linye neCeppwawu, kanye nokungahanjiswa kukaphethiloli, njengesizathu sokwala ukukhokhela abasebenzi yaphinde yaxwayisa ngokuthi izolwisana nalokhu.
Funda nalolu daba: Usuphelile uphethiloli kwamanye amagaraji eThekwini
Balinganiselwa ku-15 000 abasebenzi abangaphansi kwenCeppwawu osekuphele amasonto amabili bengenele isiteleka, befuna ukwenyuselwa amaholo ngo-9%. Umqashi umile ku-7%.
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.
