Pretoria - Indoda yasePitoli esolwa ngokudlwengula isisebenzi sasendlini nokusiphoqa ukuba sizibandakanye ocansini nezinja zayo iyavela namuhla eNkantolo yeMantshi yaseBronkhorstspruit.
Namuhla kuzolalelwa isicelo sayo sebheyili okokugcina.
UWillem Kroukamp ubhekene namacala ayishumi okubalwa kuwo ukudlwengula, ukuthumba, ukunukubeza ngokocansi nokucekela phansi impahla.
OLUNYE UDABA: Uyavela osolwa ngokudlwengula isisebenzi sasendlini
UKroukamp uwaphikile amacala egcina ukuvela enkantolo, waveza ukuthi wayenobudlelwano nalo wesifazane ngesikhathi kwenzeka lesi sigameko.
Uthe lo wesifazane wayesebenzela abazali bakhe eBronkhorstspruit, empumalanga yePitoli.
Inkantolo kulindeleke ukuba ithathe isinqumo ngesicelo sayo sebheyili uma sekulalelwe iziphakamiso zokugcina zebheyili namuhla (ngoLwesine).
- SABC
