Johannesburg - Indoda esolwa ngokuhlasela iphoyisa lakwamasipala ilindeleke ukuba iphinde ivele enkantolo ngomhlaka-8 Septhemba.
Isigameko sokuhlasela senzeke ngaphandle kwesikole eNigel, eGoli kanti soqoshwe kwikhamera ngomunye wabantu abebebukele kanti selokhu, le video isisabalele ezinkundleni zokuxhumana.
OLUNYE UDABA: Buka: 'Umzali' eshaya iphoyisa ngasesikoleni
Le ndoda eneminyaka engu-34 ubudala evele okokuqala eNkantolo yeMantshi yaseDunnottar ngoLwesibili, ibonakala iphushela phansi iphioyisa iphinde ilihudula phansi.
Amalungu omphakathi abebukele isigameko abonakala ekujabulela okuqhubekayo.
Iziphathimandla zithe iphoyisa libone indoda ebipake endaweni okungapakwa kuyo eceleni komgwaqo ngasesikoleni laya kuyo le ndoda yavele yavuka umbhejezana.
Ngokombiko weNewswatch iphoyisa liyalulama kulandela isigameko.
- “Like” ikhasi lethu kuFacebook ukuze uthole izindaba ngolimi lwakho
- Landela IzindabaNews24 kuTwitter
