Iyaqala esikoleni ngoMsombuluko obekuthiwa isiyashona

Durban - Ingane yentombazane yaseThekwini eyazama ukuzibulala ngenxa yezinkinga zesitifike sayo sokuzalwa ebesiyivimba ukuba ingene esikoleni, iyaqala esikoleni ngoMsombuluko.

Kodwa umama wayo uselahle ithemba ngokuthi aboMnyango wezaseKhaya bazosigcina isithembiso sabo sokusiza indodakazi yakhe eneminyaka engu-13 ubudala ngokuthola isitifiketi sayo sokuzalwa ngemuva kokuhlonzwa njengoshonile ngephutha.

Ngaphandle kwesitifiketi sokuzalwa, le ntombazane ibingakwazi ukubhalisa esikoleni samabanga aphezulu.

NgoLwesibili, lo mama wabanomhlangano noJabu Mgobhozi oyimenenja yoMnyango wezaseKhaya eThekwini, wamqinisekisa.

OLUNYE UDABA: Udube ingane ongayitholi i-ID

"Bengilindele ucingo lwabo kodwa akekho ozihluphile ngokungazisa ngokuqhubekayo. Ngazama ukubahsayela ucingo kodwa kwafana nokuthela amanzi emhlana wedada," usho njalo.

Kube nzima ukuthi le ntombazane ibhalisele uGrade 8 njengoba ingenaso isitifiketi sokuzalwa.

Le ngane yamukelwa yisikole iRossburgh High ngemuva kokuba umnyango ukhiphe incwadi eqinisekisa ukuthi iphila njengo sheleni nokuthi uphezu kodaba.

"Ngesikhathi le ngane ifika la yayikhathazekile, isaba nokuthi izophindiselwa emuva. Nathi sasingenaso isiqiniseko ngodaba lwayo kodwa umnyango wathi inawo wonke amaphepha adingekayo ngaphandle kwesitifiketi sokuzalwa kodwa uyalulungisa udaba, kusho okhulumela isikole.

"Sibikelwe ukuthi iyaqala ukufunda ngoMsombuloko. Kodwa njengesikole kufanele silulandele lolu daba lwesitifiketi ngoba kugcina sekuyinkinga uma sekubhalwa izivivinyo ikakhulukazi zakuMatikuletsheni."

Umama wale ngane uqinisekise ukuthi isiphumile esibhedlela.

 - IOL

 - “Like” ikhasi lethu kuFacebook ukuze uthole izindaba ngolimi lwakho                                

 - Landela IzindabaNews24 kuTwitter


We live in a world where facts and fiction get blurred
In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.
Subscribe to News24
Lockdown For
DAYS
HRS
MINS
Voting Booth
Who do you think is going to win the 2020 US election?
Please select an option Oops! Something went wrong, please try again later.
Results
Biden is going to take it
47% - 7786 votes
It's four more years for Trump
53% - 8941 votes
Vote
All Share
55339.58
(+0.99)
Top 40
50692.28
(+0.83)
Financial 15
10790.70
(+3.99)
Industrial 25
74905.70
(+1.05)
Resource 10
52561.57
(-0.49)
All JSE data delayed by at least 15 minutes morningstar logo