25 Mar 2018

Kuboshwe isihlobo ngokubulawa kwengane eyayilahlekile

eThekwini - Amaphoyisa aseMtubatuba abophe owesimame oneminyaka engu-59 ubudala ngecala lokubulala ingane eneminyaka emithathu ubudala.

Kwabikwa ngokulahleka kukaGamelihle “Gamo” Mdletshe ngoDisemba 2017 nokuyilapho amaphoyisa avula khona icala lomuntu olahlekile.

Amaphoyisa asebenzisana namalungu omphakathi ezama ukuthola le ngane elahlekile.

Ngomhlaka 13 Disemba 2017 kwatholakala isidumbu sale ngane sicwiywe izitho zomzimba.

OLUNYE UDABA:Igwetshiwe indoda yaseThekwini eyabulala owayeyingoduso

Amaphoyisa aguqula uphenyo lwaba ngelecala lokubulala.

Uphenyo lwamaphoyisa lwaholela amaphoyisa kulesi sihlobo.

Umsolwa waboshwa wabekwa icala lokubulala kanti ngoLwesihlanu mhlaka 23 Mashi 2018 wavela eNkantolo kaMantshi eMtubatuba.

Lo msolwa uzogqunywa ezitokisini kuze kube wumhlaka 26 kwephezulu lapho azovela futhi enkantolo.

We live in a world where facts and fiction get blurred

In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.

Subscribe to News24