Pretoria – Kuboshwe owesilisa oneminyaka engu-45 waseLimpopo ngemuva kokutholakala kwesidumbu sentombi yakhe, esitholwe yizingane zakhe, kusho amaphoyisa ngoMgqibelo.
"Amaphoyisa aseMahwelereng abophe owesilisa oneminyaka engu-45 ubudala ngecala lokubulala ngemuva kokutholakala kwesidumbu sowesifazane oneminyaka engu-42 ubudala,” kusho okhulumela amaphoyisa uLt-Col Malesela Ledwaba.
"Umufi utholakale emzini oseTshamahanzi ngaseMokopane namhlenje kuseni. Ngokwemininingwane esiyitholile, umufi, obengumabhalane esiteshini samaphoyisa, utholwe ngamadodakazi akhe amabili eneminyaka engu-24 nenye enengu-18 ubudala.”
Funda nalolu daba: Usesimeni esibucayi umshayeli wogandaganda oshayise izihlahla
Owesilisa uboshwe ngamaphoyisa aseWesternburg ngasePolokwane.
ULedwaba uthi imbangela yokubulala ibingakaziwa.
"Umsolwa utholakale nemoto kamufi. Uzothweswa icala lokubulala kanti kulindeleke avele eNkantolo yeMantshi yaseMokerong maduze.”
– "Like"
ikhasi lethu ku-Facebook uze ukwazi ukujoyina inkulumo ngolimi lwakho.
