28 Mar 2018

Kuboshwe umama kutholakala izingane zishonile emotweni

Superior — Umama oneminyaka engu-20 ubudala uboshiwe ngoLwesine ngezinsolo sokubulala ngemuva kokutholakala kwezingane zakhe ezimbili zishonile emotweni, kusho izikhulu.

Izidumbu zazo zitholakale ngaphandle komuzi womndeni oseSuperior, okuyindawo edume ngokuba nezimayini enabantu abalinganiselwa kwabangu-2 900, engamakhilomitha angu-97 ukusuka empumalanga yePhoenix.

Owamaphoyisa aseSuperior uChristian Ensley uthi amaphoyisa abikela abezinhlalakahle ngasekuqaleni kukaJanuwari ngenxa yokukhathazeka ngesimo sezingane ezimbili.

OLUNYE UDABA: Unikwe esentambo owabulala wafaka isidumbu epotimendeni

Abezinhlalakahle ngoLwesibili bafonelwa kabili mayelana nezingane, kodwa abakaze bathole bufakazi bokuthi izingane ziyahlukunyezwa noma zishiywa zodwa.

Izidumbu zezingane zizohlolwa ukuthola ukuthi zibulawe yini izingane, eyodwa kuzo ineminyaka emibili ubudala kanye nenye enezinyanga ezingu-10 izelwe.

We live in a world where facts and fiction get blurred

In times of uncertainty you need journalism you can trust. For only R75 per month, you have access to a world of in-depth analyses, investigative journalism, top opinions and a range of features. Journalism strengthens democracy. Invest in the future today.

Subscribe to News24