Johannesburg – Kudlule emhlabeni osopolitiki owayenguNgqongqoshe eNingizimu Afrika ngoLwesithathu ekuseni.
UZola Skweyia ushonele eKloof Hospital ePitoli eneminyaka engu-75 ubudala.
UMpho Mosimane, owayekhulumela omakadebebona be-ANC abazibiza nge-101, ababefuna uJacob Zuma ehle esikhundleni, uthi bazokhipha isitatimende ngokuhamba kosuku.
OLUNYE UDABA: 'Indlela akhule ngayo uWinnie iyona eyamenza wangaba uvuma zonke'
USkweyiya uke waba nguNgqongqoshe wezemiSebenzi yoMphakathi nokuPhathwa kwayo ngaphansi kweKhabhinethi likaNelson Mandela, waphinde waba nguNgqongqoshe wezokuThuthukiswa koMphakathi sekuphethe uThabo Mbeki.
Uphinde waba yilungu lesigungu esiphezulu kwi-ANC.
USkweyiya uthathe umhlala phansi ekubeni yilungu lePhalamende ngemuva kokhetho lwango-2009, ekhala ngesimo sempilo.
