Rustenburg - Ukuqulwa kwecala lamadoda amabili asebenza epulazini eliseNorth West asolwa ngokubulala ibhungu eColigny kuyaqhubeka eNkantolo eNkulu yaseNorth West eMafikeng namuhla (ngoMsombuluko).
UPieter Doorwaard, 26, noPhillip Schutte, 34, babhekene necala lokubulala, ukusabisa, ukuthumba, ukutholakala nesibhamu nezinhlamvu ezingekho emthethweni, ukweba, nokukhomba ngesibhamu.
Umbuso usola ukuthi laba bobabili babulala uMatlhomola Jonas Mosweu, 16, ngomhlaka-20 Ephreli ngonyaka odlule emjondolo yaseScotland eColigny ngemuva kokumsola ngokweba imbali (sunflower) emasimini omqashi wabo.
OLUNYE UDABA:Angibethembi abelungu - Owafelwa yindodana
Owazibobnela isigameko, watshela amaphoyisa ukuthi uMosweu wakhishwa evenini lihamba. Washonela endleleni ebheke esibhelela.
Umbuso ube usuthweswa la basowla ngamacala okusabisa, ukuthumba nokweba amaselula amabili womunye bofakazi abaqavile. Waphinde wasatshiswa ngesibhamu.
Ukushona kukaMosweu kwasusa uthuthuva umphakathi wahlukana phakathi.
Kwashiswa imizi engu-6 kwangqongqiswa namaloli amathathu kwatatshwa impahla ezitolo kulandela ukushona kukaMosweu.
- African News Agency
